માર્ચ 22ના રોજ લોકડાઉન લાગુ થવાના પગલે ગુજરાતની કોર્ટ્સમાં કેસ ઉપર કેસ પેન્ડિંગ થઇ રહ્યા છે.
જો કે ગુજરાત હાઇકોર્ટના રજીસ્ટ્રાર જનરલે માહિતી આપી છે કે ગુજરાત હાઈકોર્ટ અત્યારે ઓનલાઇન કેસ લઇ રહી છે પરંતુ 23 નવેમ્બરથી કોર્ટ ફિઝિકલી ખૂલી જશે અને રાબેતા મુજબ કામ શરુ કરી દેશે.
અમદાવાદ એકલામાં 10,000થી વધુ કેસ નોંધાયેલા
આ સમયમાં કોર્ટમાં સુનાવણી લંબાતા સૌથી વધુ ખોટા ચેકના કેસ નોંધાયા છે. નેગોશિએબલ ઇન્સ્ટ્રુમેન્ટલ એક્ટના સેક્શન 138 પ્રમાણે અમદાવાદ એકલામાં આ ફરિયાદમાં 10,000થી વધુ કેસ નોંધાયેલા છે.
નિષ્ણાતોના મતે ચેક બાઉન્સની ઘટના કોરોના મહામારીના લોકડાઉનને કારણે સૌથી વધુ પ્રમાણમાં બની છે. કોર્ટે હવે આ બધી નોટિસને ઈશ્યુ કરવી અને તમામ કેસના સમન્સ પાઠવવાની કઠિન કામને આગળ વધારવું પડશે.
આ કેસો પૈકી 70% કેસ બેંકો અને ફાઇનાન્શ્યલ કંપનીઓએ લોન ડિફોલ્ટરો સામે દાખલ કર્યા છે. બાકી 30% કેસ ચેક બાઉન્સના છે જેની રકમ લાખો રૂપિયામાં છે.
23 નવેમ્બરથી કોર્ટ શરુ થવા જઈ રહી છે જેમાં આ SOP પાળવી જરૂરી છે
1. ફરજીયાત માસ્ક, સેનિટાઇઝર, થર્મલ સ્કેન
2. કોર્ટનો સમય : સવારે 10:45 થી સાંજે 4
3. ફક્ત એક એન્ટ્રી ગેટ
4. બેસવાની જગ્યાઓ વચ્ચે એક્રેલિકની શીટ પાથરેલી હશે