કોરોના અને તેના અત્યંત ચેપી વેરિયન્ટથી પીડાઈ રહેલી દુનિયા માટે એક મોટા રાહતના સમાચાર આવ્યાં છે. દુનિયામાંથી ક્યારેક પણ કોરોના જશે કે નહીં તેને લઈને એક મોટી ખબર છે. બ્રિટનની ઈસ્ટ એન્ગલિયાના પ્રોફેસર પૌલ હંટરની નવી ભવિષ્યવાણી ઘણી રાહતની અને કામની છે.
એપ્રિલ સુધીમાં કોરોના સામાન્ય શરદી-ખાંસી જેવી બીમારી બની જશે
પ્રોફેસર પૌલ હંટરે જણાવ્યું કે એપ્રિલ સુધીમાં કોરોના નોર્મલ થઈ જશે અને જીનજીવન થાળે પડી જશે. તેમણે કહ્યું કે એપ્રિલ સુધીમાં કોરોના સામાન્ય શરદી-ખાંસી જેવી બીમારી બની જશે અને એક પણ કેસ નહીં આવે. આપણે કોરોના પોઝિટીવ લોકોને આપણે સમજાવી શકીશું કે તેઓ કોરોનાથી ડરે નહીં અને આ એક સામાન્ય શરદી ખાંસી જેવો વાયરસ છે તેનાથી ડરવાની જરુર નથી.
શું મોટી આગાહી કરી પ્રોફેસર હંટરે
એપ્રિલ 2022 સુધીમાં કોરોના નોર્મલ થઈ જશે
એક પણ કેસ નહીં આવે
જનજીવન પહેલાની જેમ થાળે પડી જશે
દુનિયામાંથી કોરોના વિદાય થઈ જશે
સામાન્ય રોગચાળો બની જશે
કોરોના શરદી-ખાંસી જેવો વાયરસ થઈ જશે
મહામારી સ્થાનિક રોગચાળામાં પરિણમશે
નિષ્ણાંતોએ એવું પણ જણાવ્યું કે આગામી 3-4 મહિનામાં કોરોના સ્થાનિક રોગચાળામાં પરિણમી જશે એટલે કે તે એક શરદી-ખાંસીનો સામાન્ય વાયરસ બની જશે અને તેની ચેપી ક્ષમતા પણ ઘટી જશે. હાલ પુરતું તો સાવધાની વધારે મહત્વની છે અને હાલની પહેલી અગ્રિમતા ચેપને અટકાવવાની છે.
યુએસ, ફ્રાન્સ અને યુકેમાં કોરોનાએ રેકોર્ડ તોડ્યો
યુએસ, ફ્રાન્સ અને યુકેમાં કોરોનાના નવા કેસોએ તમામ રેકોર્ડ તોડી નાખ્યા છે. છેલ્લા થોડા દિવસમાં 16 લાખથી વધુ નવા કેસ નોંધાયા છે અને 7,000થી વધુ લોકોના મોત થયા છે. યુરોપીય દેશ ફ્રાન્સમાં 24 કલાકમાં કોરોનાના 2 લાખ કેસ નોંધાયા હતા. સ્વાસ્થ્ય મંત્રી ઓલિવિયર વેરને કહ્યું કે આ ડેલી રેકોર્ડ છે. વેરને કહ્યું આ ઓમિક્રોનની લહેર નહીં સુનામી છે. ફ્રાન્સની લગભગ 10 ટકા વસતી એવા વ્યક્તિના સંપર્કમાં હતી જે વાયરસથી સંક્રમિત છે અને ત્યાં સુધી કે વેક્સિનેશન પણ પૂરતી સુરક્ષા કરવામાં સક્ષમ હોય તેમ લાગતું નથી. ફ્રાન્સે નાઈટક્લબ બંધ કરવાની મુદત ત્રણ અઠવાડિયા વધારી દીધી છે.
અમેરિકામાં એક દિવસમાં રેકોર્ડ કેસ
અમેરિકામાં પણ છેલ્લા ચોવીસ કલાકમાં કોરોનાના 2.65 લાખથી વધુ કેસ આવ્યાં છે. આ પહેલા 11 જાન્યુઆરીએ 2.52 લાખ દૈનિક કેસ આવ્યાં હતા. પરંતુ મંગળવારે 2,65,427 નવા કેસ આવતા જુના કેસનો રેકોર્ડ તૂટી ગયો છે.