ભારત અને ન્યૂઝીલેન્ડ વચ્ચે બુધવારે વનડે સીરિઝની પ્રથમ મેચ રમાઈ હતી. ન્યૂઝીલેન્ડે હેમિલ્ટન ખાતેની પ્રથમ વનડેમાં ભારતને 5 વિકેટે હરાવ્યું હતું. આ જીતની સાથે યજમાનોએ પણ સીરિઝમાં 1-0થી લીડ મેળવી લીધી હતી.
ટેલર અને શ્રેયસે મળીને બનાવ્યો અનોખો રેકોર્ડ
વનડે ઈતિહાસમાં ત્રીજી વખત બન્યો આ રેકોર્ડ
શ્રેયસે ચોથા નંબર પર પોતાનો દબદબો બનાવ્યો
મેચમાં બંને ટીમ તરફથી એક-એક સદી જોવા મળી હતી, જ્યારે શ્રેયસ અય્યરે ભારત તરફથી પહેલી સદી ફટકારી હતી, ત્યારે ન્યૂઝીલેન્ડના દિગ્ગજ ખેલાડી રોસ ટેલરે પણ સદી ફટકારી હતી. બંને ખેલાડીઓની સદીએ ક્રિકેટના રેકોર્ડ બુકમાં પણ પોતાનું નામ નોંધ્યું છે. ચોથા સ્થાને બેટિંગ કરતી વખતે બંને ખેલાડીઓએ ઇનિંગ્સમાં સદી ફટકારી હતી.
રોસ ટેલર એકમાત્ર બેટ્સમેન છે જે અણનમ રહ્યો
વન ડે ક્રિકેટના ઇતિહાસમાં આ ત્રીજી વખત છે જ્યારે બંને ટીમના ચોથા સ્થાનના ખેલાડીએ એક જ મેચમાં સદી ફટકારી હતી. આ યાદીમાં રોસ ટેલર એકમાત્ર બેટ્સમેન છે જે અણનમ રહ્યો છે. આ પહેલાં વર્ષ 2007ની શરૂઆતમાં ઝિમ્બાબ્વે અને દક્ષિણ આફ્રિકા વચ્ચેની મેચમાં એબી ડીવિલિયર્સ (107) અને તલેન્ડા તાઈબુ (107)નો સ્કોર બનાવ્યો હતો. આ પછી, વર્ષ 2017માં ભારત અને ઇંગ્લેન્ડ વચ્ચે યુવરાજસિંહે (150) અને ઇયોન મોર્ગને (102) રન બનાવ્યા હતા. હવે વર્ષ 2020માં ભારત અને ન્યૂઝીલેન્ડ વચ્ચે શ્રેયસ અય્યર (103) અને રોસ ટેલરે અણનમ 109 રન બનાવ્યા હતા.
અય્યરે કરી કમાલ
લગભગ 16 મહિના પછી ભારતની તરફથી કોઈ ખેલાડીએ ચોથા સ્થાને સદી ફટકારી અને શ્રેયસ અય્યરે આ કરી બતાવ્યું. શ્રેયસ અય્યરે ટીમ ઈન્ડિયાની ચોથા સ્થાન પર બેટિંગની ચિંતા પણ દૂર કરી દીધી છે.