જલ્દી કરો / ટુ-વ્હીલર ખરીદવું હોય તો ઉતાવળ કરજો, મોંઘુદાટ થઇ જશે TVSનું આ પોપ્યુલર સ્કૂટર

• મોંઘુ થવા જઇ રહ્યું છે આ સ્કૂટર
• ખરીદવાનો ઇરાદો હોય તો જલ્દી કરજો
• જલ્દી જ ભાવ વધી જશે તો પડશે મોંઘુ

કંપનીએ ટૂંક સમયમાં જ આ સ્કૂટરની કિંમતમાં 600 રૂપિયાનો  વધારો કરવાની જાહેરાત કરી છે અને જ્યુપિટર 110ના તમામ વેરિઅન્ટની કિંમતો વધારવાની છે. કિંમતો વધારવા સિવાય કંપનીએ આ સ્કૂટરમાં અન્ય કોઈ ફેરફાર કર્યા નથી. તો અહીં તમને કોઈ ટેકનિકલ કે મિકેનિકલ ફેરફાર જોવા મળશે નહીં અને ફીચર્સની વાત કરીએ તો આ સ્કૂટર પહેલા જેવું જ છે. 110 cc સેગમેન્ટમાં સૌથી વધુ વેચાતા સ્કૂટર્સમાં Jupiter 110નો પણ સમાવેશ થાય છે.

સ્ટાન્ડર્ડ વેરિઅન્ટની કિંમત 69,298 રૂપિયા છે
ભારતમાં Jupiter 110ના શીટ મેટલ વ્હીલ્સની વર્તમાન એક્સ-શોરૂમ કિંમત રૂ. 66,273 છે, જ્યારે સ્ટાન્ડર્ડ વેરિઅન્ટની કિંમત રૂ. 69,298 છે. TVS Jupiter 110 ZX ડ્રમ બ્રેક વેરિઅન્ટની કિંમત 72,773 રૂપિયા રાખવામાં આવી છે, જ્યારે તેના ZX ડિસ્ક બ્રેક વેરિઅન્ટની કિંમત 76,573 રૂપિયા છે. અંતે, સ્કૂટરના ક્લાસિક વેરિઅન્ટની કિંમત 76,543 રૂપિયા નક્કી કરવામાં આવી છે. ભારતીય બજારમાં, Jupiter 110 ની સીધી સ્પર્ધા Honda Activa 6G સાથે છે. આ સ્કૂટરને ઘણી બધી સુવિધાઓ સાથે વેચવામાં આવી રહ્યું છે જેમાં બહારની બાજુએ પેટ્રોલ રેડવાની કેપ, મોટા ફૂટબોર્ડ અને સીટની નીચે 21-લિટર સ્ટોરેજનો સમાવેશ થાય છે.

TVS જ્યુપિટર 110 109.7 CC એન્જિન
સ્કૂટરના કેટલાક વધુ મોંઘા વેરિયન્ટ્સમાં આગળના ભાગમાં યુટિલિટી બોક્સ અને USB ચાર્જર છે. TVS એ 109.7 cc એર-કૂલ્ડ એન્જિન સાથે Jupiter 110 આપ્યું છે જે CVT ગિયરબોક્સ સાથે જોડાયેલું છે. આ એન્જિન 7.37 bhp પાવર અને 8.4 Nm પીક ટોર્ક બનાવવામાં સક્ષમ છે. જ્યારે સ્કૂટરના આગળના ભાગમાં ટેલિસ્કોપિક ફોર્ક્સ લગાવવામાં આવ્યા છે, જ્યારે તેના પાછળના ભાગમાં મોનોશોક સસ્પેન્શન આપવામાં આવ્યું છે. સામાન્ય રીતે, આ સ્કૂટર ડ્રમ બ્રેક સાથે આવે છે અને તેના પસંદ કરેલા વેરિયન્ટ્સને કંપનીએ ડિસ્ક બ્રેક વેરિઅન્ટ સાથે રજૂ કર્યા છે.