તમારા કામનું / 12 વર્ષમાં પહેલી વાર બનવા જઈ રહ્યો છે ગુરુ-શુક્રનો અદ્ભુત સંયોગ, જાણો તમારી રાશિ પર કેવી રહેશે અસર

• ગુરુ પ્રવેશ કરવા જઈ રહ્યા છે મીન રાશિમાં 
• શુક્ર પણ મીનમાં કરશે પ્રવેશ 
• દરેક રાશિનાં જાતકો પર પડશે અસર 

ગુરુ ગ્રહ 12 વર્ષ બાદ પોતાના ઘરે એટલે કે મીન રાશિમાં પાછા ફરી રહ્યા છે. ગુરુનું મીન રાશિમાં આવવું શુભ માનવામાં આવે છે. પરંતુ ગુરુની પાછળ પાછળ શુક્ર પણ મીન રાશિમાં આવી રહ્યો છે. શુક્ર અને ગુરુ બંને ગ્રહ શુભ છે છતાં તેમની વચ્ચે શત્રુ ભાવ રહે છે. આવામાં 27 એપ્રિલનાં રોજ ગુરુની સાથે શુક્રનાં આવવાથી દેશ અને દુનિયા પર ગુરુ અને શુક્રનો ગજબ પ્રભાવ જોવા મળશે. આ એવો સમય હશે, જ્યારે સુગરથી પરેશાન લોકોએ વધારે સાવચેત રહેવું પડશે. ખાસ કરીને મીન રાશિનાં એવા જાતકો કે જેમને સુગરની સમસ્યા છે, તેમણે પોતાનું ખૂબ જ ધ્યાન રાખવું જોઈએ. આમ તો ગુરુ શુક્રનાં સંયોગથી લગ્નનો સંયોગ ખૂબ જ સારો રહેશે. જે લોકોનાં લગ્ન અટકી રહ્યા હતા, તેમના લગ્ન પણ નક્કી થઇ શકે છે. આ બંને ગ્રહોનાં સંયોગથી લગ્નની સીઝન જોરદાર રહેશે. બજારમાં સોનાની કિંમતોમાં ઉછાળો જોવા મળશે. 

મેષ રાશિ 

ગુરુ અને શુક્રનાં પ્રભાવથી મેષ રાશિનાં જાતકોનાં લગ્ન જીવનમાં મધુરતા આવશે અને બંને એકબીજાનું સમ્માન કરશે. જ્યારે જે જાતકોના લગ્નમાં કોઈને કોઈ સમસ્યા રહે છે, તેમને આ સમસ્યાથી જોડાયેલ તકલીફનું સમાધાન મળી જશે. 

વૃષભ રાશિ 

ગુરુ તથા શુક્રનો પ્રભાવ વૃષભ રાશિ માટે ફાયદાકારક રહેશે. આ દરમિયાન તમે આર્થિક લાભની પણ આશા રાખી શકો છો અને તમને અટકેલા ધનની પણ પ્રાપ્તિ થઇ શકે છે. જોકે તમારા શત્રુઓએ ધ્યાન રાખવાની જરૂર પડી શકે છે. 

મિથુન રાશિ 

શુક્ર અને ગુરુનાં પ્રભાવથી તમારા જીવનમાં નવી સ્થિતિઓ ઉત્પન્ન થશે. આ દરમિયાન આ રાશિનાં જાતકો જે અત્યાર સુધી બાળકોથી વંચિત હતા, તેમની કુંડળીમાં સંતાન પ્રાપ્તિનો પ્રબળ યોગ બની રહ્યો છે. સાથે જ જેમના સંતાન છે, તેમને પણ શુભ સમાચાર મળી શકે છે. 

કર્ક રાશિ 

ગુરુ અને શુક્રનાં પ્રભાવથી કર્ક રાશિનાં જાતકોનાં જીવનમાં ભૌતિક સુખ સુવિધાઓ વધશે. આ દરમિયાન સુખ સંપત્તિમાં પણ વધારો થશે અને વાહન સુખ પણ મળી શકે છે. સાથે જ જે જાતકો પોતાનું ઘર કે જમીન ખરીદવા માંગે છે, તેમની ઈચ્છા પણ પૂરી થશે. 

સિંહ રાશિ 

ગુરુ તથા શુક્રનો પ્રભાવ સિંહ રાશિનાં જાતકો માટે ઘણા બદલાવ લઈને આવશે. આ દરમિયાન પ્રોફેશનલ લાઈફમાં અમુક બદલાવ જોવા મળી શકે છે. સાથે જ મિત્રો સાથે તમારા સંબંધો મજબૂત થશે, જેને કારણે તમે ઘણા પડકારો પાર કરી જશો. 

કન્યા રાશિ 

ગુરુ તથા શુક્રનો પ્રભાવ કન્યા રાશિના જાતકોનાં જીવનમાં નવી સ્થિતિઓ પેદા કરશે. આ દરમિયાન જે જાતક પ્રેમ વિવાહ કરવા માંગે છે કે જેમના લગ્નમાં તકલીફો આવી રહી છે, તેમના જીવનમાં શુભ કાર્યક્રમનાં પ્રબળ યોગ બની રહ્યા છે. 

તુલા રાશિ 

ગુરુ તથા શુક્રનો પ્રભાવથી તુલા રાશિના જાતકોએ સાચવવાની જરૂર છે. આ દરમિયાન, તમારે ખર્ચાઓ પર નિયંત્રણ રાખવાની જરૂર છે. આવું કરવાથી આર્થિક સ્થિતિ સારી રહેશે નહીતર કારણ વગર ખર્ચ કરવાથી ઘણી તકલીફો પડી શકે છે. 

વૃશ્ચિક રાશિ 

ગુરુ તથા શુક્રના પ્રભાવથી વૃશ્ચિક રાશિનાં જાતકોની પ્રતિષ્ઠામાં વધારો થશે. આ દરમિયાન સામાજિક તથા ધાર્મિક કાર્યોમાં આ જાતકો આગળ આવીને ભાગ લેશે, જેને કારણે યશ તથા સન્માનમાં પણ વધારો થશે અને સાથે જ તમારા વિચારોથી પણ લોકો પ્રભાવિત થશે, જેથી તમારી લોકપ્રિયતા વધશે. 

ધનુ રાશિ 

ગુરુ તથા શુક્રનાં પ્રભાવથી ધનુ રાશિનાં જાતકોને ઘણી યાત્રાઓ કરવાની તક મળશે. અ દરમિયાન વેપારીઓ પોતાના વેપાર સાથે જોડાયેલ યાત્રા કરી શકે છે, જેથી તમને સારો ધનલાભ પણ થશે. સાથે જ પરિવાર અને મિત્રો સાથે યાત્રા પર જવાનો અવસર પણ મળશે, જેથી મન પર બોજ નહી રહે. 

મકર રાશિ 

ગુરુ અને શુક્રના પ્રભાવથી મકર રાશિનાં જાતકો માટે પણ ફાયદાકારક સ્થિતિ રહેશે. આ દરમિયાન, જે જાતક નવું કાર્ય શરુ કરવા માંગે છે, તેમના માટે આર્થિક લાભનાં યોગ બની રહ્યા છે. સાથે જ નોકરીયાત અને વેપારીઓને પણ લાભ થશે. 

કુંભ રાશિ 

ગુરુ તથા શુક્રનાં પ્રભાવથી કુંભ રાશિનાં જાતકોને શુભ પરિણામો પ્રાપ્ત થશે. આ દરમિયાન, તેમની લવ લાઈફનાં કંઈક નવું બનશે અને સંબંધો મજબૂત બનશે. 

મીન રાશિ 

​​​​​​​
ગુરુ તથા શુક્રનાં પ્રભાવથી મીન રાશિનાં જાતકોનાં જીવનમાં શુભ કાર્યોનો યોગ બની રહ્યો છે. લગ્નને લાયક યુવક તથા યુવતીનાં લગ્નની વાત આગળ વધી શકે છે. સાથે જ આ ગ્રહોનાં પ્રભાવથી જીવનમાં કોઈને કોઈ કાર્યક્રમ થતો રહે છે.