Junior Clerk Provisional Answer Key : સમગ્ર રાજ્યમાં શાંતિપૂર્ણ માહોલમાં જુનિયર ક્લાર્કની પરીક્ષા પૂર્ણ થવા પામી હતી. ત્યારે જુનિયર ક્લાર્કની પ્રોવિઝનલ આન્સરની આજે જાહેર કરવામાં આવી હતી. જેથી પરીક્ષાર્થીઓ તેમણે લખેલા જવાબો સાચા છે કે ખોટા તે જાણી શકશે.
જુનિયર ક્લાર્કની પરીક્ષાની પ્રોવિઝનલ આન્સરકી જાહેર કરાઈ
9 એપ્રિલનાં રોજ યોજાઈ હતી જુનિયર ક્લાર્કની પરીક્ષા
અંદાજે 7 લાખ 30 હજાર જેટલા ઉમેદવારોએ આપી હતી પરીક્ષા
9 એપ્રિલે લેવાયેલ જુનિયર ક્લાર્કની પરીક્ષા શાંતિપૂર્ણ માહોલમાં પૂર્ણ થઈ હતી. ત્યારે પરીક્ષા સાહિત્ય સુરક્ષિત રીતે પહોંચાડવાની કામગીરી પણ પૂર્ણ થઈ ગઈ છે. ત્યારે ગુજરાત પંચાયત સેવા પસંદગી મંડળના અધ્યક્ષ હસમુખ પટેલે આજે ટ્વિટ કરીને પ્રોવિઝનલ આન્સર કી જાહેર કરી હતી. તેમજ બે મહિના બાદ એટલે કે જુન મહિનામાં જુનિયર ક્લાર્કની પરીક્ષાનું પરિણામ પણ જાહેર કરવામાં આવશે. તેવું સૂત્રો દ્વારા જાણવા મળી રહ્યું છે.
અંદાજે 7 લાખ 30 હજાર જેટલા ઉમેદવારોએ પરીક્ષા આપી
જુનિયર ક્લાર્કની પરીક્ષા શાંતિપૂર્ણ માહોલમાં સંપન્ન થયા બાદ હસમુખ પટેલે પત્રકાર પરિષદ યોજી હતી. જેમાં તેઓએ જણાવ્યું હતું કે કોઈ પણ જગ્યાએ અનિચ્છનિય ઘટના બની નથી. તેમજ પરીક્ષા બાદ તમામ ઉમેદવારો ખુશ હતા, તમામ ઉમેદવારોનો આભાર માન્યો છે. અમારા માટે હજુ પણ પરીક્ષા ચાલુ છે. પરીક્ષા સાહિત્ય સુરક્ષિત પહોંચીને ક્સેનિંગ થાય તેની કામગીરી ચાલુ છે. ઉમેદવારોને ચોરીની તક ન મળે તે માટે પ્રશ્નપત્ર લાંબુ રખાયું હતું. પ્રશ્નપત્ર લાંબું રહે તો ચોરી થવાની શક્યતા ઓછી રહે છે. અંદાજે 7 લાખ 30 હજાર જેટલા ઉમેદવારોએ પરીક્ષા આપી છે.