રાજ્યના 3 હજાર કેન્દ્ર પર 7.28 લાખ ઉમેદવારોએ આપી પરીક્ષા
પેપર વધુ લાંબુ હોવાને કારણે ઉમેદવારોને સમય ઓછો પડ્યો
જુનિયર ક્લાર્કની પરીક્ષા શાંતિપૂર્ણ માહોલમાં સંપન્ન થઈ છે. રાજ્યના 3 હજાર કેન્દ્ર પર 7.28 લાખ ઉમેદવારોએ પરીક્ષા આપી છે. 32 જિલ્લામાં 500થી વધુ સ્ક્વૉડ રાખવામાં આવ્યા હતા. પેપર વધુ લાંબુ હોવાને કારણે ઉમેદવારોને સમય ઓછો પડ્યો હોવાનું જણાવા મળી રહ્યું છે.
— VTV Gujarati News and Beyond (@VtvGujarati) April 9, 2023
પેપરમાં હિસ્ટ્રી અને કૃતિઓ વધુ સવાલ પૂછાયા
જુનિયર ક્લાર્કની પરીક્ષા 3 હજાર કેન્દ્ર પર 7.28 લાખ ઉમેદવારોએ આપી છે. 32 જિલ્લામાં 500થી વધુ સ્ક્વૉડ રાખવામાં આવ્યા હતા. પેન, ઓળખકાર્ડ અને કોલલેટર લઈ જતા વિદ્યાર્થીઓને જ પ્રવેશ અપાયા હતો. પેપર સરળ હોવાના કારણે ઉમેદવારોમાં ખુશીનો માહોલ જોવા મળી રહ્યો છે. ઉમેદવારોએ જણાવ્યું કે, પેપરમાં હિસ્ટ્રી અને કૃતિઓના સવાલ પૂછાયા હતા તેમજ પેપર સરળ હતું. પેપર સરળ હોવાના કારણે ઉમેદવારોને સમય ઓછો પડ્યો હતો. કેન્દ્રમાં પ્રવેશતા પહેલા વિદ્યાર્થીઓનું ચેકિંગ કરાયુ હતું. પરીક્ષા દરમિયાન તમામ કેન્દ્ર પર વીડિયોગ્રાફી કરાઈ છે વિદ્યાર્થીઓ શું કહ્યું
વિદ્યાર્થીઓ જણાવ્યું કે, પેપર સરસ હતુ અને શાંતિપૂર્ણ માહોલમાં પૂર્ણ થઈ ગયું એ ખૂબ સારી વાત છે તમણે કહ્યું કે, હાશ હવે શાંતિ થઈ કારણ કે આ પરીક્ષાને લઈ છેલ્લા બે વર્ષથી રાહ જોઈ રહ્યાં હતા
9 શંકાસ્પદ લોકોની અટકાયત કરી હતી
જુનિયર કલાકની પરીક્ષામાં ભૂતકાળમાં થયેલા ડમી કેસની ઘટના મામલે પોલીસ સતર્ક જોવા મળી હતી. ભાવનગરમાં 9 શંકાસ્પદ લોકોની અટકાયત કરાઈ હતી. LCBએ 9 લોકોની અટકાયત કરી હતી. અગાઉ ડમી ઉમેદવાર અને કેસ થયા હોય તેવા લોકોની અટકાયત કરવામાં આવી હતી.
રાજકોટ પોલીસે વિદ્યાર્થીઓની કરી મદદ
આવી જ રીતે રાજકોટ પોલીસે પણ વિદ્યાર્થીઓને પરીક્ષા કેન્દ્ર સુધી પહોંચાડવામાં મદદ કરી હતી. રાજકોટમાં એક નામની બે કોલેજ હોવાથી અમુક ઉમેદવારો પરીક્ષા કેન્દ્રને બદલે અન્ય કોલેજે પહોંચ્યા હતા. એક જ નામની બે કોલેજ હોવાથી પરીક્ષાર્થીઓને મુશ્કેલી પડી હતી. ઉમેદવારો સાધુ વાસવાણી રોડ પર પહોંચવાને બદલે અન્ય સેન્ટર પર પહોચી ગયા હતા. જેથી રાજકોટ પોલીસે આ તમામ ઉમેદવારોને પોલીસની પીસીઆર વાનમાં પરીક્ષા કેન્દ્ર સુધી પહોંચાડ્યા હતા.
સાણંદ પોલીસની સરાહનીય કામગીરી
સાણંદ પોલીસ સ્ટેશનના PI રમેશ જાદવ પરીક્ષાર્થીઓની વ્હારે આવ્યા હતા. જુનિયર ક્લાર્કની પરીક્ષા આપવા આવેલા બે પરીક્ષાર્થીઓ રસ્તો ભટકી જતા પરીક્ષા કેન્દ્રથી 10 કિ.મી. દૂર પહોંચી ગયા હતા. ત્યારે સાણંદના PI રમેશ જાદવે બંને ઉમેદવારોને સમયસર ચોક્કસ પરીક્ષા સ્થળ પર પહોંચાડ્યા હતા. તેમણે પોલીસની જીપમાં બેસાડી બંને ઉમેદવારોને પરીક્ષા કેન્દ્ર સુધી પહોંચાડ્યા હતા. ઉમેદવારોએ પોલીસની કામગીરીને લઇ આભાર માન્યો હતો.