ગીર-સોમનાથ:શિકાર કરતો સિંહનો વધુ એક વીડિઓ વાયરલ થયો છે. ગીર સોમનાથના ઉનામાં શિકાર કરતા સિંહનો વીડિયો વાયરલ થયો છે. જયાં વીડિયોમાં સ્પષ્ટ જોઈ શકાય છે કે ભેંસનું બચ્ચુ પાડી રસ્તા પરથી પસાર થઇ રહ્યું હોય છે. તે દરમિયાન પાછળથી અચાનક સિંહે પાડી પર હુમલો કર્યો હતો.
ઉલ્લેખનીય છે કે જયાં સિંહ પાડીને ગરદનથી પકડીને તેને મારવાનો પ્રયાસ કરતો હોય તે આ VIDEOમાં સ્પષ્ટ દેખાઇ આવે છે. શિકાર કરતો આ સિંહ સમગ્ર તાકાતનું પ્રદર્શન કરે છે. શિકારને ત્યાં રાખવામાં આવેલ કે અનાયાસે આ ઘટના બની તે કહેવી મુશ્કેલ છે ત્યારે આ શિકાર કરતા સિંહ સામે અનેક સવાલો ઉભા થાય છે કે શિકાર સમયે વનવિભાગનું તંત્ર કયાં હતું. પેટ્રોલિંગ કરતા અધિકારીઓ કયાં છે?
આપને જણાવી દઇએ કે વાયરલ થયેલ આ VIDEOમાં સિંહ પાડીને પાછળના ભાગેથી સિંહ હુમલો કરે છે અને પાડીને ગરદનથી પકડીને તેને રસ્તા પરથી થોડે દુર લઇ જવામાં આવેલ અને તેનું મારણ કરવામાં આવ્યું હતું જો કે આ ઘટના કુદરતી બની કે કોઇ પ્રવાસીને આનંદ મળી રહે તે માટે આયોજીત હતી તે હવે તપાસનો વિષય છે.