અમદાવાદનો પંકજ પાનસુરીયાને ફેસબુક ઉપર જૂનાગઢની યુવતી કાજલ પટેલ સાથે દોસ્તી થઈ હતી. સામાન્ય પરિચયમાંથી આ દોસ્તી ગાઢ થઈ અને પછી યુવાન પહોંચ્યો હોસ્પિટલના બિછાને. એવું તો શું થયું કે યુવાનને દોસ્તી હોસ્પિટલ સુધી દોરી ગઈ.
પંકજની ઓળખાણને હજુ તો માંડ 3 મહિના થયા હતા
50000 નહીં ચુકવે તો કાજલ સાથે રેપ અને બળજબરીના કેસમાં ફસાવી દેશે
કાજલની ફ્રેન્ડશીપની માયાજાળમાં ફસાયા હશે
3 જ મહિનાના ફેસબુક પરિચયમાં બની ગઈ ખાસ દોસ્ત
તમને જાણીને નવાઈ લાગશે કે, કાજલ પટેલ નામની યુવતી પંકજની ટુંક જ મહિનામાં પાક્કી બહેનપણી બની ગઈ હતી. કાજલ અને પંકજની ઓળખાણને હજુ તો માંડ 3 મહિના થયા હતા.
કાજલનો પતિ આવ્યો, સાથે પોલીસ લાવ્યો
કાજલ તેને ત્રણમાળની એક ઈમારતમાં લઈ ગઈ હતી ત્યાં ત્રીજામાળે એક રૂમમાં તેને પૂરી દીધો હતો. ત્યારબાદ બે માણસો રૂમમાં ઘુસી આવ્યા હતા જેમાંથી એકનું કહેવું હતુ કે, તે કાજલનો પતિ છે જ્યારે બીજાનું કહેવું હતુ કે તે પોલીસ કોન્સ્ટેબલ છે.
મારી પત્ની સાથે શુ્ં કરતો હતો
કાજલના પત્નીએ અચાનકથી પ્રશ્નોનો મારો ચલાવ્યો હતો કે, તું મારી પત્ની સાથે શું કરતો હતો. એમ કહીને પોલીસ સાથે મળીને પંકજને ખુબ જ માર માર્યો હતો એટલું જ નહીં પરંતુ તેની પાસેથી ATM કાર્ડ, રોકડ લૂંટી લીધી હતી.
11થી 5 વાગ્યા સુધી ગોંધી રખાયો
પંકજને સવારના 11થી 5 વાગ્યા સુધી ગોંધી રાખ્યો હતો. અને માર માર્યો હતો છોડી દીધા બાદ ધમકી આપી હતી કે જો તે રૂા. 50000 નહીં ચુકવે તો કાજલ સાથે રેપ અને બળજબરીના કેસમાં ફસાવી દેશે.
ત્રણ લોકો વિરુધ્ધ ફરિયાદ
આખરે પંકજે કંટાળીને પોલીસમાં ફરીયાદ નોંધાવી હતી. તેણે કાજલ ઉર્ફે જીજ્ઞા પટેલ, તેના પતી અને નકલી પોલીસ બનીને તોડપાણી કરવા આવેલ વ્યક્તિ સામે ફરિયાદ નોંધાવી છે. ખબર નહીં કે કેટલા લોકો આ રીતે કાજલની ફ્રેન્ડશીપની માયાજાળમાં ફસાયા હશે.
પોલીસે તપાસ હાથ ધરી
પોલીસે આ અંગે ફરિયાદ નોંદીને જોષીપુરા વિસ્તારમાં રહેતી જીજ્ઞા અને તેના પતી વિરૂદ્ધ તપાસ હાથ ધરી છે. તપાસમાં સામે આવ્યું છે કે કાજલ પટેલનું ફેસબુક એકાઉન્ટ ફેક હતુ અને જીજ્ઞા અને તેનો પતી તેમના નકલી પોલીસ મળતીયા સાથે મળીને લોકોને લૂંટવાનું જ કામ કરે છે. પોલીસે હાલ તો આ અંગે ફરિયાદ નોંધીને તપાસ હાથ ધરી છે.