VIDEO: ગેસની બોટલમાંથી પાણી નીકળતા લોકોમાં આશ્ચર્ય કૌભાંડની આશંકા..!

જૂનાગઢ: કૌભાંડનો વેપલો રાજ્યમાં સરેચોક ફુલ્યો ફાટ્યો છે. જેનો માર માત્ર રાજ્યના પ્રામાણિક નાગરીકો સહન કરી રહ્યા છે. એક બાદ એક સામે આવી રહેલી છેતરપિંડીની ઘટનાઓ બાદ વધુ એક ઘટના જૂનાગઢ જિલ્લાથી સામે આવી છે. 

આ મામલે મળતી જાણકારી મુજબ ઈન્ડિયન ગેસની બોટલમાંથી બે ડોલ જેટલું પાણી નિકળતા જાગૃત નાગરીકોએ આ વીડિયો વાયરલ કર્યો હતો. જેની ગંભીરતા VTVએ લેતા સમગ્ર અહેવાલ પ્રસિધ્ધ કર્યો છે. મહત્વનું છે કે 15 લીટરના ગેસ સિલિન્ડર સામે ગ્રાહકો 938 રૂપિયા ચુકવે છે.
 

#Junagadh માં ઘર વપરાશના સિલિન્ડર માંથી પાણી નીકળ્યું@IndianOilcl ના બોટલ માંથી નિકળ્યુ પાણી
લોકોમાં ભારે અચરજ
બે ડોલ ભરાઈ એટલું નીકળ્યું પાણી#Cylinder pic.twitter.com/xt8p1tFLTx

— VTV Gujarati News (@VtvGujarati) December 7 2018

આ સાથે જ વધતી જતી મોંઘવારીનો માર પણ હસતા મોઢે સહન કરી લે છે. ત્યારે રાજ્યના ગ્રાહકો સાથે થતાં અન્યાયને લઈ આ અહેવાલ પ્રસિદ્ધ કરવો પણ ખુબ જરૂરી બને છે. તેથી સરકાર પણ આ દિશામાં ત્વરીત તપાસના આદેશ આપે અને વધતા જતા ભ્રષ્ટાચાર પર અંકુશ લગાવે તે ખુબ જરૂરી છે.

ગેસના બાટલામાંથી આ પ્રકારે 2 ડોલ જેટલું પાણી નિકળતું જોઇ લોકો થોડીવાર આશ્ચર્યચકિત થયાં હતા તો વળી કેટલાક લોકોએ આ ઘટનાને પોતાના મોબાઇલ ફોનમાં કેદ કરીને વાયરલ પણ કરી હતી.



ત્યારે હવે રાજ્યની જનતા સાથે કરવામાં આવતી આ પ્રકારની છેતરપીંડિને લઇને વર્તમાન સરકાર દ્વારા આવી હરકત કરનારાઓ સામે તાત્કાલિક અસરથી ગંભીર પગલા ભરવામાં આવે તેવી લોકમાંગ ઉઠવા પામી છે.