રૌફ / જૂનાગઢમાં TRB જવાને રોંગ સાઈડમાં આવતા મહિલા PIને રોકતા બબાલ, વીડિયો વાયરલ

કહેવાય છે કે, કાયદો બધા માટે સરખો...પરંતુ જૂનાગઢમાં પ્રોબેશન PIએ જે ખાખીનો રૌફ જમાવ્યો છે, જેના પછી ક્ષણભર માટે થાય કે, પોલીસ અધિકારી બની ગયા પછી કાયદાના પના ટૂંકા પડે તો નવાઈ નહીં. કારણે કે, એક વીડિયો સામે આવ્યો છે. જેમાં રોંગસાઇડમાં બાઇક ચલાવતા પ્રોબેશન PIને રોકવામાં આવતાં હંગામો મચાવી દીધો હતો.

TRB જવાન સામે પ્રોબેશન PIનો રૌફ

પ્રોબેશન PI કે.આર.સુવાએ TRB જવાન સામે રૌફ બતાવ્યો હતો અને કાયદાના ધજાગરા ઉડાવી PIએ ટ્રાફિક નિયમોની ઐસીતૈસી કરી હતી. જે વીડિયોમાં કે.આર.સુવાનો વટ જુઓ તો લાગે કે, કાયાદાની બધી જ કલમો અને ટ્રાફિકના નિયમો તેમનાથી પર છે. તેઓ TRB જવાનને કહે છે કે, ''લોકો પૂછે તો કહી દેવાય કે મારા સાહેબ છે''

આ પણ વાંચો: જામનગરની જી.જી.હોસ્પિટલમાં ગુલ્લીબાજ ડોક્ટરોથી દર્દીઓ પરેશાન, જુઓ વાયરલ વીડિયો

''બહેન બહેન બોલ ના હું તારી સાહેબ છું''

જે વાયરલ વીડિયોમાં જોઈ શકાય છે કે,પ્રોબેશન PI કે.આર.સુવા કહે છે કે, ''અહી કોણ છે જાડેજા સાહેબ છે કોણ? હું બી ડિવિઝનમાંથી સેકેન્ડ PI છું, એટલે માપે રહેજે. હું મારો નામ આપું તોય તમે આમ છે અને તેમ છે કહો છો... પોલીસમાં છીએ તોય એટલું નહી ચલાવતા.. પબ્લિકને કહી દેવાનું કે, આ સાહેબ હતા. તમને ખબર નથી પડતી કે, પબ્લિકને કેમ જવાબ આપવો. મને બહેન બહેન બોલ ના હું તારી સાહેબ છું''

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ