જૂનાગઢ / આડેધડ બાઇક લઈ નીકળી પડતા સગીરો સામે પોલીસની લાલ આંખ, એક જ દિવસમાં આટલા કેસ, વાલીઓને આપી ચેતવણી

• 22 સગીરોના વાહન જપ્ત કરતી જૂનાગઢ પોલીસ 
• માતા, પિતાને બોલાવી અપાઈ સમજણ
• બાળક 18 વર્ષનું ન થાય ત્યાં સુધી વાહનો ન સૂચન

સગીર વિધાર્થીઓ વાહન લઈને સ્કૂલે જતા હોવાથી અકસ્માતનું જોખમ જળુંબતુ હોય છે. જેને અટકાવવા જુનાગઢમા પોલીસ દ્વારા ડ્રાઇવ યોજવામાં આવી હતી.જેમાં 22 જેટલા સગીરોના વાહન ડિટેઇન કરવામાં આવ્યા હતા. ત્યારબાદ વાલીઓને બોલાવી સમજાવવા પ્રયાસ કરાયો હતો. વધુમાં સગીર બાળકો બાઇક ચલાવે તો માતા પિતા સામે પણ કાર્યવાહી થઇ શકે છે તેવા કાયદાના પાઠ પણ ભણાવવામાં આવ્યા હતા.

22 સગીરો પોલીસ ઝપટે ચડતા દંડ વસુલાયો

વધુમાં સગીરો આડેધડ વાહનો ચલાવતા હોવાથી અકસ્માતનો ખતરો મંડરાઇ રહી છે. સ્કૂલે વાહનો લઈ જતા સગીરોને લીધે અકસ્માતના કિસ્સાઓ પણ વધે છે આથી બાળકોના તેમના માતા-પિતાને બોલાવીને બાળક 18 વર્ષનું ના થાય ત્યાં સુધી વાહનો ન આપવા પોલીસ દ્વારા સૂચના આપવામાં આવી હતી. આવા બાળકો અને વાલીઓ સામે ડ્રાઇવ યોજી પોલીસ દ્વારા માહિતી આપવામાં આવી રહી છે. જેમાં 22 સગીરો પોલીસ ઝપટે ચડતા તેમની પાસેથી દંડ વસુલવામાં આવ્યો હતો.

31 થર્ટી ફર્સ્ટને લઈ જુનાગઢ પોલીસ એલર્ટ
 
આ ઉપરાંત 31 થર્ટી ફર્સ્ટને લઈ જુનાગઢ પોલીસ એલર્ટ બની છે. ચેક પોસ્ટો ખાતે સઘન ચેકિંગ કરાઈ રહ્યું છે. પીધેલા શકશેને દંડવા જૂનાગઢ જિલ્લામાં 30 ચેક પોસ્ટ ઉભી કરાઈ છે. જેમાં  બ્રેથ એનેલાઇઝરથી ચેકિંગ કરવામાં આવી રહ્યું છે.  ડ્રિંક એન્ડ ડ્રાઈવના કિસ્સાઓમાં અકસ્માતનું જોખમ વધતું હોવાથી પોલીસ દ્વારા જુદી જુદી ટીમો બનાવી એલર્ટ મોડ પર કાર્યવાહી કરવામાં આવી રહી છે. સાથે ડ્રગ્સનું દુષણ ડામવા એસઓજી પોલીસ પણ જાગૃત બની છે.