રાજનીતિ / જૂનાગઢ મહાનગરપાલિકા ચૂંટણી પહેલા કોંગ્રેસને ફટકો પડ્યો, આ નેતાએ આપ્યું રાજીનામું

જૂનાગઢ મહાનગરપાલિકાની ચૂંટણી પહેલા કોંગ્રેસને ફટકો પડ્યો છે. કોંગ્રેસના શહેર પ્રમખ વિનુ અમીપરાએ શહેર કોંગ્રેસ પ્રમુખ તરીકે રાજીનામુ આપ્યું છે. વિનુ અમીપરાનો આક્ષેપ છે કે, પ્રદેશના નેતાઓ સતત અવગણના કરી રહ્યા છે. જેને લઈને તેમણે શહેર પ્રમુખ તરીકે રાજીનામું આપ્યું છે.

મહત્વનું છે કે, જૂનાગઢ મહાનગરપાલિકા ચૂંટણીમાં ત્રિપાંખીયો જંગ ખેલાશે. ભાજપ, કોગ્રેસ બાદ હવે એનસીપી જૂનાગઢ મહાનગરપાલિકાની ચૂંટણીમાં ઝંપલાવશે. એનસીપી ભાજપ-કોંગ્રેસના અસંતુષ્ટ કાર્યકરોને ટિકિટ આપશે. આજે એનસીપી પોતાના તમામ ઉમેદવારોના નામ જાહેર કરશે. જૂનાગઢ પાલિકાના કુલ 15 વોર્ડની 60 બેઠકો છે જેમાં હાલ ભાજપ પાસે 44 અને કોંગ્રેસ પાસે 16 બેઠક છે.

જૂનાગઢ મનપાની ચૂંટણી 21 જૂલાઇએ યોજાશે જેને લઇ ભાજપ પુનરાવર્તન માટે એડીચોરીનું જોર લગાવી રહ્યું છે. તો કોંગ્રેસ પરિવર્તન માટે કવાયત કરી રહ્યું છે. ભાજપે જૂનાગઢ મનપા ચૂંટણી માટે મહેન્દ્ર મશરૂ અને કોંગ્રેશે ભીખા જોશીને મેદાનમાં ઉતાર્યા છે.