જૂનાગઢમાં આગામી સમયમાં મહાનગરપાલિકાની સામાન્ય ચૂંટણી યોજાવાની છે. જેના માટે ભાજપે તૈયારીઓ શરૂ કરી દીધી છે. જૂનાગઢમાં ભાજપ દ્વારા બેઠકોનો ધમધમાટ શરૂ કરી દેવામાં આવ્યો છે.
આજે પણ ભાજપના વરિષ્ઠ નેતાઓની આગેવાનીમાં એક બેઠક યોજાઈ હતી. આ બેઠકમાં કેન્દ્રીય મંત્રી મનસુખ માંડવિયા હાજર રહ્યા હતા. સાથે જ સંગઠન મહામંત્રી ભીખુ દલસાણીયા અને ગોરધન ઝડપિયા સહિત જિલ્લા ભાજપના આગેવાનો પણ હાજર રહ્યા હતા.
આ બેઠકમાં મનસુખ માંડવિયા સહિતના નેતાઓએ ચૂંટણી મામલે આગેવાનોને માર્ગદર્શન આપ્યું હતું અને ચૂંટણી માટેની આગામી કામગીરી અંગે માહિતગાર કર્યા હતા. સાથે જ છેલ્લા ઘણા દિવસોથી ટાઉનહોલ મુદ્દે ભાજપમાં જે વિખવાદ ઉભો થયો છે. તે માટે પણ આગેવાનો સાથે બંધ બારણે ચર્ચાઓ કરી હતી. આંતરિક વિવાદને બંધ કરી કોર્પોરેશનને જીતવા એક જૂથ થઈ લડી લેવા માર્ગદર્શન આપ્યું હતું.