ચૂંટણી / વરસાદી માહોલ વચ્ચે જૂનાગઢ મનપાની ચૂંટણીનું મતદાન પૂર્ણ, 23 જૂલાઇએ પરિણામ

વોર્ડ નં-11ની ચૂંટણી રદ કરવાની ફરિયાદ

જૂનાગઢમાં વોર્ડ નં-11ની ચૂંટણી રદ કરવાની ફરિયાદ કરવામાં આવી છે. મતદાતા તુષાર સોજિત્રાએ ચુંટણી રદ કરવાની માંગ કરી છે. ચૂંટણી અધિકારી અને કલેક્ટરને મેઈલ દ્વારા ચૂંટણી રદ અંગે માંગ કરી છે. મતદાનમાં વી.વી.પેટ મશીન રાખવાની માંગ કરી છે.

વોર્ડ નંબર 1ના બુથ નંબર 19માં બે પક્ષો વચ્ચે બોલાચાલી

જૂનાગઢ મહાનગરપાલિકાની ચૂંટણીનું મતદાન પૂર્ણ થયું છે. ચૂંટણીમાં મતદાન દરમિયાનવોર્ડ નંબર 1ના બુથ નંબર 19માં બે પક્ષો વચ્ચે બોલાચાલી થઈ હતી. NCP અને ભાજપના પોલિંગ એજન્ટ વચ્ચે બોલાચાલી થઈ હતી. એજન્ટ વચ્ચે બોલાચાલી થતા પોલીસે મામલો થાળે પાડ્યો હતો.

મંત્રીએ ભાજપની જીતનો વિશ્વાસ વ્યક્ત કર્યો

જૂનાગઢ મહાનગર પાલિકાની ચૂંટણી માટે મતદાન કરવામાં આવ્યું છે. મંત્રી જવાહર ચાવડાએ ભાજપની જીતનો વિશ્વાસ વ્યક્ત કર્યો છે. મહાનગર પાલિકાની ચૂંટણીમાં ભાજપનો ભવ્ય વિજય થશે. કોંગ્રેસને લોકોનું સમર્થન નથી. ફરી એક વખત જૂનાગઢ મહાનગર પાલિકામાં ભગવો લહેરાશે.

જૂનાગઢ કોંગ્રેસ હાલ વેન્ટિલેટર પર : મેયરનું નિવેદન

ભાજપ અને કોંગ્રેસ એકબીજા પર સામેસામે પ્રહાર કરી રહી છે. જૂનાગઢ ડેપ્યુટી મેયર ગિરીશ કોટેચાએ કહ્યું કે, જૂનાગઢ કોંગ્રેસ હાલ વેન્ટિલેટર પર છે. જ્યારે જૂનાગઢ મનપાના વિરોધ પક્ષના નેતા સતિષ વિરડાંએ જીતના દાવો કરતા કહ્યું કે, કેટલાક કોર્પોરેટર સિવાય તમામ લોકો કોંગ્રેસની સાથે છે. લોકો ભાજપથી કંટાળી ગયા છે એટલે કોંગ્રેસની જીત નક્કી છે.