ચૂંટણી / જૂનાગઢ મનપાની પેટાચૂંટણી માટે ફોર્મ ભરાયા, જાણો કોંગ્રેસમાંથી કોણે છેડો ફાડી NCPની વાટ પકડી

• મનપાની બે બેઠકોની પેટાચૂંટણી
• વોર્ડ નં-6 અને વોર્ડ નં-15ની પેટા ચૂંટણી 
• ખાલી પડેલી બેઠકો માટે ભરાયાં ફોર્મ 

ગુજરાતમાં સ્થાનિક સ્વરાજની ચૂંટણીની ઉમેદવારીની નોંધણીનો સમય પૂર્ણ થઈ ગયો છે. જૂનાગઢ મનપા વોર્ડ -6 અને 15ની પેટા ચૂંટણીના પણ ઉમેદવારોએ નોંધણી કરાવી દીધી છે. ભાજપના કોર્પોરેટર હાસાનંદ નંદવાણીના અવસાનથી બેઠક ખાલી પડી હતી. અને હાલ ગુજરાતમાં 6 મનપાની ચૂંટણી સાથે આ બેઠકનો પણ સમાવેશ કરાવી દેવાયો છે. તો રાજુ સોલંકીને કોંગ્રેસમાંથી ટિકિટ ન મળતા તેમણે વિરોધનો સૂર છેડ્યો હતો. કોંગ્રેસમાંથી રાજીનામું આપી NCPમાંથી ઉમેદવારી નોંધાવી છે. રાજુ સોલંકી કોંગ્રેસમાંથી રાજીનામું આપી NCPમાં જોડાયા. બાદ તેમણે વોર્ડ નંબર 15માંથી ઉમેદવારી નોંધાવી હતી.

મનપા વોર્ડ નં-6 માટે કોંગ્રેસના ઉમેદવાર લલિતભાઇ પરસાણાએ ફોર્મ ભર્યું છે. વોર્ડ નં-15માં પૂર્વ મેયર લાખાભાઇ પરમારે ફોર્મ ભર્યું છે. જૂનાગઢ કોંગ્રેસ ધારાસભ્ય ભીખા ભાઈ જોશી,કોંગ્રેસ જિલ્લા પ્રમુખની હાજરી ફોર્મ ભર્યું હતું.