જૂનાગઢ / મનપા ચૂંટણી મામલે NCP એ લગાવ્યા ભાજપના ઉમેદવાર પર ગંભીર આક્ષેપ

જૂનાગઢ મહાનગરપાલિકા ચુંટણી દિવસેને દિવસે રસપ્રદ બનતી જાય છે ત્યારે આ ચૂંટણીમાં નવો વળાંક આવ્યો છે. ભાજપ અને કોંગ્રેસ બન્નેના બળવાખોરોને ટિકિટ આપનાર એનસીપી દ્વારા ભાજપ પર ગંભીર આક્ષેપ કરવામાં આવ્યા છે. NCPના તમામ ઉમેદવારો અને હોદેદારોને ધમકી આપવામાં આવી હોવાનો આક્ષેપ કરવામાં આવ્યો છે. NCPના ઉમેદવારોને ફોર્મ પાછા ખેંચવા ભાજપના ઉમેદવાર ધરમન ડાંગર અને તેના પુત્રએ ધમકી આપી હોવાનો આક્ષેપ કરવામાં આવ્યો છે. એનસીપીના નેતા રેશમા પટેલ અને રણમલ સીસોદીયાએ સમગ્ર મામલે પોલીસમાં અરજી કરી છે.