જૂનાગઢના કુકસવાડા ગામના તલાટી મંત્રીનો ઓડિયો વાયરલ થયો છે. જેમાં તેઓ ગામમાં આવવા માટે રૂપિયાની માગ કરી રહ્યા છે.
જૂનાગઢના કુકસવાડા ગામના તલાટી મંત્રીનો ઓડિયો વાયરલ
તલાટી મંત્રી ગામમાં આવવા માંગી રહ્યા છે રૂપિયા
મારી પાસે પૈસા નથી, કેવી રીતે કુકસવાડા આવું?: તલાટી મંત્રી
જૂનાગઢના કુકસવાડા ગામના તલાટી મંત્રી મેનાબેન વાયરલ ઓડિયોમાં કહે છે કે મને 1 હજાર રૂપિયા આપો તો જ કુકસવાડા આવું. મારી પાસે પૈસા નથી, કેવી રીતે કુકસવાડા આવું? તલાટી મંત્રી કુકસવાડાના વ્યક્તિ સાથે વાત કરે છે. જેમાં તેઓ કહે છે કે મને 1 હજાર ઉછીના આપો તો હું આવું. ત્યારે સરકારનો મફત પગાર લેતા તલાટીના ઓડિયોથી ભારે ચર્ચા થઇ રહી છે.
જૂનાગઢમાં રહેતા તલાટી મંત્રી ચોરવાડ પંચાયત આવ્યા હતા. ચોરવાડથી કુકસવાડાનું અંતર માત્ર 10 કિલોમીટરનું છે. ત્યારે તલાટી મંત્રીની પંચાયતનું ગામ 10 કિમી દૂર છતાં 1 હજાર માગ્યા હતા. પંચાયતના કામ પૂરા કરવા ગામલોકો તલાટી મંત્રીને બોલાવી રહ્યા છે. ત્યારે ગામલોકો તલાટી મંત્રીને ગાડીથી લાવવા-લઈ જવાની વાત કરે છે.
ગામના વ્યક્તિની આજીજી પછી પણ તલાટી આવતા નથી. ત્યારે સવાલો ઉઠી રહ્યા છે કે તલાટી મંત્રીનું આ વર્તન કેમ ચલાવાય? તલાટી મંત્રી સરકારી નોકર છે તો પૈસા કેમ માંગે છે? સરકાર તેને પગાર આપે છે પછી શા માટે લોકો પૈસા માગે છે? કુકસવાડાના તલાટી મંત્રી સામે પગલા કેમ ન લેવામાં આવે? કુકસવાડા જેવા તલાટીઓ ગામડાના નિર્દોષ લોકોને કેટલા હેરાન કરતા હશે? આવા બેજવાબદાર તલાટી મંત્રી સામે પગલા કેમ નથી લેવાતા? કુકસવાડા જેવા તલાટીઓ ગામડાના નિર્દોષ લોકોને કેટલા હેરાન કરતા હશે? જૂનાગઢ જિલ્લા વિકાસ અધિકારી આના તલાટી સામે પગલા લેશે? જૂનાગઢ કલેક્ટર આ બાબતે કોઇ પગલા લેશે? સરકારી યોજનાઓ આવા તલાટીના કારણે જ લોકો સુધી પહોંચતી નથી. શું આવા તલાટી મંત્રીઓથી ગ્રામિણ ગુજરાતનો વિકાસ થશે? ગામડાના નિર્દોષ લોકોને ક્યાં સુધી આવા તલાટીઓ સતાવતા રહશે?