જય ગિરનારી! / પગથિયા વગરના ભૈરવ ટૂંક જીવના જોખમે સુરક્ષા વિના જ ચઢ્યો શ્રદ્ધાળુ, VIDEO વાયરલ

• ગીરનાર પર ભૈરવ ટૂંકનો વીડિયો વાયરલ
• ભૈરવ ટૂંક પર નથી કોઈ પગથિયા
• સોશિયલ મીડિયામાં વીડિયો વાયરલ

સોશિયલ મીડિયામાં એક એવો વીડિયો વાયરલ થયો છે કે જેને જોઇને લોકો આશ્ચર્યમાં મુકાઇ ગયા છે. પરંતુ જ્યારે શ્રદ્ધા અને આસ્થાની વાત આવે ત્યારે કંઇ બોલવુ શક્ય જ નથી. તમે ગિરનારની લીલી પરિક્રમા અને જૂનાગઢ પર્વત ઘણી વખત ચઢ્યા હશો. જૂનાગઢમાં પણ એવા ઘણા મંદિરો છે જ્યાં પહોંચવુ લગભગ મુશ્કેલ છે. તેમાંનુ જ એક છે ભૈરવ દાદાનું મંદિર, ભૈરવ ટૂંક પર આવેલા કાળભૈરવના દર્શન કરવા એ ઘણુ કપરુ કામ. કારણ કે કે ટેકરી પર આવેલા મંદિરે પહોંચવા માટે પગથિયા જ નથી. તેવામાં એક વ્યક્તિ ભૈરવ ટૂંક પર આસાનીથી ચઢી ગયો હોવાનો વીડિયો સોશિયલ મીડિયામાં ધૂમ મચાવી રહ્યો છે.

ભૈરવ ટૂંક પર નથી કોઇ પગથિયાં

વીડિયોમાં સ્પષ્ટ દેખાય છે કે મોટા મોટા પથ્થરો છે એક પણ પગથિયા નથી. અહીંથી ઉપર મંદિર સુધી પહોંચવુ જોખમી છે.  તેમ છતાં એક શ્રદ્ધાળુએ ભૈરવ ટૂંક  જોખમખેડીને પાર પાડી. આ શખ્સનું નામ પ્રેમ કાછડિયા છે. તેઓ ગિરનારની દરેક ટૂંકથી સારી રીતે અવગત છે તેથી જ તેમણે આ ટૂંક ચઢવાનું જોખમ ખેડ્યુ હોવાનું જાણવા મળ્યુ છે. 

વીટીવી નથી કરતુ સમર્થન

સોશિયલ મીડિયામાં વાયરલ થવાની લ્હાયમાં લોકો ન કરવાનું પણ ઘણી વખત કરી બેસે છે. પરંતુ આ પ્રકારનું જોખમી કામ ક્યારેય ન કરશો.  આ પ્રકારના સ્ટન્ટ કરવાથી તમારો જીવ જોખમમાં મૂકાઇ શકે છે. શ્રદ્ધા અને આસ્થા હોવી એ સારી વાત છે પરંતુ વાસ્તવિકતાથી વિપરીત જવામાં નુકસાન થવાની સંભાવના રહે છે. વીટીવી પણ  સુરક્ષા વિના આવા જોખમ ખેડવા અંગે સમર્થન આપતુ નથી.