જૂનાગઢના ખેડૂતની નવી શોધ ખેતરમાં દવા છાંટવા માટે તૈયાર કર્યું ખાસ મશીન

જૂનાગઢ: વધી રહેલા મોંઘવારીના કારણે ખેડૂતોને હાલાકીનો સામનો કરવો પડી રહ્યો છે. હાલમાં દવાના વધી રહેલા ભાવ અને જો દવા ખેતરમાં વધારે પડી જાય તો ખેડૂતોને મુશ્કેલીનો સામનો કરવાનો વારો આવે છે. ત્યારે જૂનાગઢના કેશોદના ખેડૂત લલિતભાઈએ પાણી અને દવાનો છંટકાવ કરવા માટે 35 હજારનો ખર્ચ કરીને એક સ્પ્રે તૈયાર કર્યો છે.

એક દિવસમાં 2 ખેડૂતો કામ કરી શકે તેટલુ કામ આ મશીન માત્ર 2 કલાકમાં પૂર્ણ કરે છે. આ મશીનના આધારે કેશોદના લલિતભાઈ પોતાની 10 વીઘા જમીનમાં માત્ર 2 કલાકમાં કામ પૂર્ણ કરે છે.



હાલમાં આધુનિક ટેક્નોલોજીનો ઉપયોગ કરવામાં આવે છે. ત્યારે આધુનિક રીતેથી ખેતી કરવામાં આવે અને સમયનો પણ ઓછો બગાડ થાય તેવા હેતુથી લલિતભાઈએ આ મશીન બનાવ્યું છે.

ઉલ્લેખનીય છે કે અત્યારના સમયમાં દિવસેને દિવસે ખેડૂત માટે ખેતી કરવી મોંઘી બાબત બનતી જાય છે. હાલના સમયમાં જેની પાસે મોટી ખેતી છે પણ ઘરનાં માણસો હોય તો ખેતી થઈ શકે બાકી મજૂરની રાહ જોવામાં આવે તો ખેતી ભેળાય જાય છે. ખેતી સમયસર થઈ શકતી નથી. 

ત્યારે ખેતીમાં ઓછાં ખર્ચે વધુ નફો મેળવવા માટે ખેડૂતે જાત ઘસવી પડે છે તેવા સમયે જૂનાગઢ જિલ્લાના કેશોદ તાલુકાના લલિત દેડણીયાએ તૈયાર કરેલ મશીન એક દિવસનું કામ માત્ર 2 કલાકમાં કરી આપતું હોવાથી ખેડૂતે તનતોડ મહેનત કરવી પડતી નથી અને ઓછા સમયમાં પોતાનું કામ પાર પાડી શકે છે.