જૂનાગઢ મહાનગરપાલિકાની ચૂંટણીનું પરિણામ જાહેર થયું છે. જેમાં ભાજપની જીત થઇ છે જ્યારે કોંગ્રેસની હાર થઇ છે. ત્યારે બીજી તરફ જૂનાગઢ જીલ્લા પંચાયત ઉપપ્રમુખના પતિ જુગાર રમતા ઝડપાયા છે. જૂનાગઢના રાયજીબાગ સ્થિત મકાનમાં દરોડા પાડવામાં આવ્યા હતા.
ઉપપ્રમુખ ઉમાબેન ચાવડાના પતિ પ્રવીણ ચાવડા જુગાર રમતા ઝડપાયા છે. પ્રવીણ ચાવડાના ઘરે જ જુગારધામ ધમધમતું હતું. પ્રવીણ ચાવડા સહિત નવ જુગારીઓ ઝડપાયા છે. LCBએ રેડ કરી 2.12 લાખ રોકડ સહિત 5 લાખનો મુદામાલ જપ્ત કર્યો છે. પ્રવીણ ચાવડાના પત્ની કોંગ્રેસ શાસિત જીલ્લા પંચાયતના ઉપપ્રમુખ છે. જેમાં એક મહિલા સહિત 9 શખ્સોની ધરપકડ કરવામાં આવી છે.
મહત્વનું છે કે, જૂનાગઢ જીલ્લા પંચાયત ઉપપ્રમુખ ઉમાબેન ચાવડાના પતિ પ્રવીણ ચાવડા ઘરે જ જુગાર રમતા ઝડપાયા છે. સાથે 9 જેટલા શખ્સોની ધરપકડ પણ કરવામાં આવી છે. ત્યારે પોલીસ દ્વારા વધુ તપાસ હાથ ધરવામાં આવી છે.