જૂનાગઢમાં હનીટ્રેપની ઘટના સામે આવી છે. બે યુવતીઓએ મળીને એક કારખાનેદારને ફસાવ્યો હતો. ઘરે બોલાવીને ફોટા પાડીને તેમને બદનામ કરવાની ધમકી આપી હતી. આ સાથે જ 10 લાખ રૂપિયાની માગ પણ કરી હતી. આ ઘટના બાદ પોલીસે 3 યુવક અને 2 યુવતીઓની ધરપકડ કરી છે.
મહત્વનું છે કે જયેશભાઈ નામના એક કારખાનેદારને 2 યુવતીઓ વારંવાર ફોન કરીને પોતાના ઘર આવવા માટે કહેતી હતી. વારંવાર ફોન કરતા કારખાનેદાર યુવતીના ઘરે પહોંચ્યો હતો. ત્યારબાદ બન્ને યુવતીઓએ મળીને જયેશભાઈના ફોટા પાડીને 10 લાખની માગ કરી હતી.
આ મામલે કારખાનેદારે પોલીસ સ્ટેશનમાં સેજલ ડુંગરાની પાયલ રજાક ઈમતિયાઝ અને નાસિર નામના શખ્સ સામે ફરિયાદ નોંધાવી હતી. પોલીસે સમગ્ર મામલે તપાસ કર્યા બાદ તમામ આરોપીઓની ધરપકડ કરી છે. ત્યારે હવે પોલીસે આરોપીઓની ધરપકડ કરીને આગળની કાર્યવાહી હાથધરી છે.
કેવી રીતે થાય છે હનીટ્રેપ ? હનીટ્રેપ જાસૂસીનો એક પ્રકાર છે
ગુપ્ત માહિતી પ્રાપ્ત કરવા માટે ઉપયોગ થાય છે
ગુપ્ત વિગતો જાણવા સુંદર યુવતીઓ કરે છે મિત્રતા
ખોટા નામ અને ફોટા સાથે બનાવે છે ફેસબુક એકાઉન્ટ
મહત્વની જાણકારી માટે રૂપિયા પણ આપવામાં આવે છે
મિત્રતાની આડમાં મેળવે છે ગુપ્ત માહિતીઓ
અનેક વાર મહત્વના દસ્તાવેજ પણ હાથમાં લાગી જાય છે
કેટલાક મામલાઓમાં શિકારને કરવામાં આવે છે બ્લેકમેલ
આપત્તિજનક ફોટો ખાસ વાતચીત હાથ લાગતાં કરે છે બ્લેકમેલ
વીડિયો ફોટા કે મેસેજ દ્વારા કરવામાં આવે છે બ્લેકમેલ
વિગતોને જગજાહેર કરવાની આપે છે ધમકી
બદનામ થવાના ડરથી શિકાર આપી દે છે ગુપ્ત માહિતી
શિકારને ઘણા સમય બાદ જાણ થાય છે કે તે હનીટ્રેપમાં ફસાયો છે