બે જૂથ વચ્ચે રૂપિયાની લેતીદેતી મામલે અથડામણ પોલીસ બંદોબસ્ત ગોઠવાયો

જૂનાગઢના વિસાવદરના રાજપરા ગામમાં બે જૂથ વચ્ચે અથડામણ થઈ. રૂપિયાની અદાવતમાં બે જૂથ વચ્ચે અથડામણ થઈ. આ ઘર્ષણમાં હવામાં ફાયરિંગ પણ કરવામાં આવ્યું. એટલું જ નહીં ઘર્ષણ દરમિયાન હિંસક ટોળાએ ચાર મોટરસાયકલ અને એક બગીને પણ આગચંપી કરી. 

તો ઘટનાની જાણ પોલીસને થતા પોલીસ ઘટના સ્થળે પહોંચી હતી અને પરિસ્થિતિ પર કાબૂ મેળવ્યો હતો. હાલ ઘટના સ્થળે ચુસ્ત પોલીસ બંદોબસ્ત ગોઠવી દેવાયો છે. પોલીસે પાંચ શખ્સો વિરૂદ્ધ ગુનો નોંધી આગળની કાર્યવાહી હાથ ધરી છે.

આ ઘટના મામલે મળતી જાણકારી મુજબ ગતરોજ રૂપિયાની અદાવતમાં બે જૂથ વચ્ચે બોલચાલ થઇ હતા જો કે ત્યારબાદ આ મામલો વધુ બિચકતા હવામાં ફાયરિંગ પણ કરવામાં આવ્યું હતું. આ સાથે જ હિંસક બનેલા ટોળાએ ચાર મોટરસાયકલ અને બગીને આંગચંપી પણ કરી હતી.