ચૂકાદો / જૂનાગઢ સિવિલ કોર્ટે કુંવારી માતાને 14 વર્ષ બાદ આપી સજા

• માંગરોળની મહીલાને કોર્ટે ફટકારી સજા 
• મહિલા 14 વર્ષ પહેલાં કુવારી માતા બની હતી 
• બાળકને જન્મ આપી ત્યજી દેવામાં આવ્યું હતુ

માંગરોળ તાલુકાના ભાથરોટ ગામે 14 વર્ષ પહેલાં પોતાનું પાપ છુપાવવા નવજાત શિશુને મરવાના વાંકે ત્યજી દેનાર મહિલાને કોર્ટે એક વર્ષની સાદી કેદની સજા અને રૂા. 1 હજારનો દંડ ફટકાર્યો છે. પોતાની લાજ બચાવવા ક્રુર માતાએ નવજાત બાળકને ત્યજી દીધુ હતુ. જો મહિલા દંડ ન ભરે તો તેને વધુ 3 માસની સજા ફરમાવી હતી. 

શું છે કિસ્સો?

4 ફેબ્રુઆરી 2006ના રોડ ભાથરોટ ગામમાં ખોડિયાર તળાવ નજીક પથ્થરના ઢગલા વચ્ચે એક નવજાત શિશુ મળી આવ્યુ હતુ. આ અંગે કોઈ અજાણ્યાએ શીલ પોલીસ મથકમાં જાણ કરી હતી. નવજાત બાળકને ત્યજી દેનાર માતા વિરૂદ્ધ પોલીસે ગુનો નોંધીને તપાસ શરૂ કરી હતી. 

કુંવારી માતાએ ત્યજ્યુ હતુ બાળક

પોલીસ તપાસમાં ખુલ્યુ હતુ કે, નવજાત બાળકને છોડી જનાર માતા કુંવારી માતા બની હતી. 20 વર્ષની યુવતીએ સમાજની બીકે અને આબરૂ જવાની બીકે બાળકને ત્યજી દીધુ હતુ. 

આ કેસમાં કોર્ટે શું આપ્યો નિર્ણય

આ કેસ માંગરોળ કોર્ટમાં ચાલી જતા બાળક અને માતાના બ્લડ ગૃપ, સરકારી હોસ્પિટલના ગાયનેક ડોક્ટરનો રિપોર્ટ, જુબાની તથા પુરાવાઓને ધ્યાને લઈ જ્યુ.મેજીસ્ટ્રેટ એચ.એ.પંડયાએ મહિલાને એક વર્ષની સાદી કેદ તથા એક હજારનો દંડ તથા દંડ ન ભરે તો વધુ ત્રણ માસની સાદી કેદની સજાનો હુકમ કરી સમાજમાં દાખલો બેસાડયો હતો.