અમદાવાદ / CTM ઓવરબ્રિજ પરથી 23 વર્ષીય યુવતીએ લગાવી મોતની છલાંગ, ડબલ ડેકર બ્રિજ પરથી પડતું મુકવાની ત્રીજી ઘટના

• અમદાવાદના CTM બ્રિજ પરથી મોતની છલાંગ
• 23 વર્ષીય યુવતીએ CTM બ્રિજ પરથી ઝંપલાવ્યું
• ડબલ ડેકર બ્રિજ પરથી પડતું મૂકવાની ત્રીજી ઘટના

અમદાવાદના CTM  ઓવરબ્રિજ પરથી 23 વર્ષની યુવતીએ એકા એક છલાંગ લગાવી દીધી હતી. CTM ડબલ ડેકર ઓવરબ્રિજ પરથી યુવતી દ્વારા છલાંગ લગાવી છે. પાપ્ત વિગત મુજબ અગમ્ય કારણોસર છલાંગ લગાવી આત્મહત્યા કરવાની કોશિષ કરતા સમગ્ર વિસ્તારમાં ચકચાર મચી જવા પામ્યું છે. યુવતીએ છલાંગ લગાવતા યુવતી નીચે પટકાઈ છે. યુવતીને ગંભરી ઈજાઓ થતા તેને તાત્કાલીક હોસ્પિટલ ખસેડવામાં આવી હતી. 

અમદાવાદ: અમદાવાદના CTM બ્રિજ પરથી 23 વર્ષીય યુવતીએ મોતની છલાંગ લગાવી, ઈજાગ્રસ્ત યુવતીને સારવાર માટે હોસ્પિટલ ખસેડાઈ, ડબલ ડેકર બીજ પરથી પડતું મૂકવાની ત્રીજી ઘટના#Ahmedabad #CTMbridge #Dounledackerbridge #VtvGujarati pic.twitter.com/S0gH77UDWP

— VTV Gujarati News and Beyond (@VtvGujarati) March 1, 2023

અગાઉ પણ યુવતીએ CTM બ્રિજ પરથી ઝંપલાવ્યું હતું
થોડા અગાઉ અમદાવાદના CTM ઓવરબ્રિજ પરથી જ યુવતીએ બપોરના સુમારે છલાંગ લગાવી દીધી હતી. CTM ડબલ ડેકર ઓવરબ્રિજ પરથી યુવતી દ્વારા છલાંગ લગાવી આત્મહત્યા કરવાની કોશિષ કરતા સમગ્રે વિસ્તારમાં ચકચાર મચી જવા પામી હતી. યુવતીએ છલાંગ લગાવતા યુવતી નીચે પટકાઈ હતી અને યુવતીને ગંભરી ઈજાઓ થતા તેને તાત્કાલીક 108 મારફતે મણિનગરની એલજી હોસ્પિટલમાં ખસેડવામાં આવી હતી. યુવતિને માથાના ભાગે ગંભીર ઈજાઓ તેમજ પગે ફેક્ચર થતા તેને સારવાર અર્થે ખસેડવામાં આવી હતી.

યુવતિએ ક્યાં કારણસર પગલું ભર્યું તે જાણી શકાયું નથી
ત્યારે હાલ યુવતિ હોસ્પિટલમાં સારવાર હેઠળ છે. યુવતિએ ક્યાં કારણોસર આવું પગલું ભર્યું તેનું કારણ હજું સુધી જાણી શકાયું નથી. તમને જણાવી દઈએ કે, આ ડબલ ડેકર બ્રિજ પરથી પડતું મૂકવાની ત્રીજી ઘટના સામે આવી છે. જેને લઈ આ બ્રિજ જાણે કે, સુસાઈડ પોઈન્ટ બન્યો હોય તેવુ લોકોમાં ચર્ચાએ જોર પકડ્યું છે.