યુવાન દેખાવું કોને ન ગમે? પણ આજકાલની ખરાબ લાઈફસ્ટાઈલ અને ખરાબ ખાનપાન ઉંમર પહેલાં લોકોને અનેક તકલીફોથી ઘેરી લે છે. પણ જો આપણી ડાયટમાં ધ્યાન રાખવામાં આવે અને કેટલાક હેલ્ધી ફૂડ અને જ્યૂસ ડાયટમાં સામેલ કરવામાં આવે તો બીમારીઓ સામે તો રક્ષણ મળશે અને સાથે જ તમારી સ્કિન ગ્લો કરશે, વાળ સારાં થશે અને ઘણાં બધાં ફાયદાઓ મળશે. તો નાના, મોટાં અને વૃદ્ધો દરેકે આ ફૂડ ખાવા જ જોઈએ.
ડાયટમાં સામેલ કરો આ બેસ્ટ ફૂડ અને જ્યૂસ
લાંબા સમય સુધી યંગ રાખવામાં કરશે મદદ
ઓવરઓલ હેલ્થને સાચવશે આ હેલ્ધી ફૂડ્સ
ઓરેન્જ
રોજ ઓરેન્જ ખાવાથી અથવા તેનો જ્યૂસ પીવાથી મૂડ ફ્રેશ રહેવાથી સાથે જ ચહેરાના એક્ને ઠીક થાય છે, રંગ નિખરે છે અને સ્કિનનું ટેક્સચર પણ સુધરે છે. ઓરેન્જમાં રહેલું સિટ્રિક એસિડ સ્કિનને હાઈડ્રેટ કરીને સનબર્નથી છુટકારો આપે છે. સાથે જ રિંકલ્સને રોકવામાં પણ મદદ કરે છે. આ સિવાય તેનાથી રોગો સામે પણ રક્ષણ મળે છે.
મોસંબી
રોજ મોસંબી ખાવાથી અથવા તો મોસંબીનો જ્યૂસ પીવાથી તેમાં રહેલાં એન્ટીઓક્સીડેન્ટ્સ અને વિટામિન સી સ્કિન માટે જબરદસ્ત રીતે ફાયદાકારક છે. તે સ્કિનમાં ઈન્ફેક્શન થતાં રોકે છે. આ જ્યૂસ લોહીને પણ સાફ કરે છે. સાથે જ પિંપલ્સ અને એક્ને જેવી સમસ્યાઓથી પણ બચાવે છે. મોસંબી જ્યૂસ પેટ સંબંધી સમસ્યાઓ માટે પણ બહુ જ લાભકારી છે.
દાડમ
દાડમ ખાવાથી સ્વાસ્થ્યને અઢળક ફાયદાઓ મળે છે. તે જ રીતે હમેશાં યંગ રહેવા માટે રોજની ડાયટમાં 1 ગ્લાસ દાડમનો જ્યૂસ સામેલ કરો. તેનાથી સ્કિનને ઘણાં ફાયદાઓ મળે છે. સ્કિન ટાઈટ રહે છે અને સ્કિનમાં નવા સેલ્સ બને છે. સાથે જ એજિંગની પ્રોસેસ સ્લો થઈ જાય છે અને તમે યુવાન દેખાવ છો.
ગાજર
ગાજરમાં રહેલાં પોષક તત્વો સ્વાસ્થ્ય માટે અને ખાસ કરીને આંખો માટે બહુ જ લાભકારી હોય છે. આ સિવાય રોજ 1 ગ્લાસ ગાજરનો જ્યૂસ પીવાથી એક્ને, પિંપલ્સ, પિગમેન્ટેશનથી રાહત મળે છે. લોહી સાફ રહે છે અને સ્કિનમાં નિખાર આવે છે.
બીટ
આયર્ન અને પોટેશિયમથી ભરપૂર બીટનો જ્યૂસ પીવાથી લોહી સાફ થાય છે, સાથે જ તે યંગ રાખવામાં મદદ કરે છે. તેમાં રહેલી પ્રોપર્ટીઝ એક્ને, પિંપલ્સ, રિંકલ્સની સમસ્યાથી પણ બચાવે છે.