જો તમે ડાયાબિટીસ માટે તમારા આહાર પર ધ્યાન આપો છો, તો બ્લડ સુગરનું સ્તર નોંધપાત્ર રીતે વધી શકે છે. અમે તમને કેટલાક એવા જ્યુસ વિશે જણાવીશું જેને પીવાથી તમારી શુગર કંટ્રોલમાં રહેશે.
ડાયાબિટીસના દર્દી છો તો ખાસ વાંચજો
આ જ્યુસ પીવાથી શુગર લેવલ રહેશે કંટ્રોલમાં
જાણો તેના અન્ય ફાયદાઓ વિશે
ડાયાબિટીસને કંટ્રોલમાં રાખવો મુશ્કેલ કામ છે. જો તમે તમારા આહાર પર ધ્યાન ન આપો તો બ્લડ શુગરનું સ્તર નોંધપાત્ર રીતે વધી શકે છે.આનાથી શરીરમાં બીજી ઘણી સમસ્યાઓ થઈ શકે છે. ત્યાં જ ડાયાબિટીસમાં ફળોમાંથી બનાવેલ જ્યુસ ન પીવાની સલાહ આપવામાં આવે છે.
કારણ કે તેમાં ફાઇબર ઓછું હોય છે અને ખાંડ વધારે હોય છે. એટલા માટે જ્યુસને બદલે તાજા ફળો ખાવાની સલાહ આપવામાં આવે છે. પરંતુ અહીં અમે તમને કેટલાક એવા જ્યુસ વિશે જણાવીશું, જેને પીવાથી તમારૂ શુગર કંટ્રોલમાં રહેશે.
ડાયાબિટીસના દર્દીઓએ આ જ્યુસનું સેવન કરવું જોઈએ
કારેલાનો જ્યુસ
કારેલાનો જ્યુસ ડાયાબિટીસના દર્દીઓ માટે ખૂબ જ ફાયદાકારક માનવામાં આવે છે. આ જ્યુસ શરીરમાં બ્લડ શુગરના સ્તરને નિયંત્રિત કરે છે. કારેલામાં એન્ટિ-ડાયાબિટીક ગુણ હોય છે જે ડાયાબિટીસને નિયંત્રિત કરવામાં અસરકારક છે. એટલા માટે તમે રોજ કારેલાનો જ્યુસ પી શકો છો.
આમળાનો જ્યુસ
આમળા ડાયાબિટીસને કંટ્રોલ કરવા માટે એક અસરકારક જ્યુસ છે. ડાયાબિટીસમાં પીવા માટે 2 ચમચી આંબળાનો રસ લો. તેમાં એક ચપટી હળદર પાઉડર નાખી સારી રીતે મિક્સ કરો. હવે તેનું દરરોજ સવાર સાંજે સેવન કરો. દરરોજ આ જ્યુસ પીવાથી તમારા શરીરનું બ્લડ શુગર કંટ્રોલમાં રહે છે.
પાલકનો જ્યુસ
શુગરના દર્દીઓએ પાલકના જ્યુસનું સેવન કરવું જોઈએ. પાલકમાં વિટામિન એ, વિટામિન બી, સી, ઈ ભરપૂર માત્રામાં હોય છે. તેના સેવનથી શરીરમાં બ્લડ શુગરને કંટ્રોલ કરી શકાય છે.
દૂધીનો જ્યુસ
ડાયાબિટીસથી પરેશાન લોકો દૂધીનો જ્યુસ પી શકે છે. તેનું સેવન બ્લડ શુગર કંટ્રોલ કરે છે. સાથે જ આ વજનને કંટ્રોલમાં રાખે છે. જો તમે શુગરની સાથે સાથે વજન વધવાથી પરેશાન છો તો દૂધીનો જ્યુસ પીવો.