લોકડાઉનમાં ભારતમાં વસેલાં તમામ નાગરિક એવી કોશિશ કરી રહ્યાં છે કે, તેઓ ઘરમાં જ રહે. જ્યારે દેશની બહાર અથવા ઘરથી દૂર ગયેલાં લોકો પણ પોતાના ઘરે પરત આવી ગયા છે. આ દરમિયાન બોલિવૂડની દિગ્ગજ એક્ટ્રેસ જૂહી ચાવલા પણ વિદેશની ટ્રિપ પર હતી. હવે તેણે જણાવ્યું કે, કઈ રીતે તે વિદેશથી મુંબઈ પરત આવી.
કોરોનાને કારણે વિદેશમાં ફસાઈ ગઈ હતી આ દિગ્ગજ એક્ટ્રેસ
ઓસ્ટ્રેલિયાથી આ રીતે પરત આવી મુંબઈ
ફ્લાઈટ્સ થવા લાગી હતી બંધ, પછી એક્ટ્રેસે આની મદદ લીધી
ઓસ્ટ્રેલિયામાં હતી અભિનેત્રી
સમગ્ર દુનિયા અત્યારે કોરોનાના કહેરમાં જીવી રહી છે. એવામાં પીએમ મોદીએ અચાનક જ ભારતમાં 21 દિવસના લોકડાઉનની જાહેરાત કરી હતી. જેના કારણે ભારતથી બહાર ગયેલાં લોકોને પરત આવવા પર પ્રતિબંધ લાગી ગયો છે. આ સમયે જ જૂહી ચાવલા પતિ જય મહેતા અને બાળકો સાથે ઓસ્ટ્રેલિયા હોલિડે પર હતી.
જૂહીએ જણાવ્યું કે, જેવા એ લોકો ઓસ્ટ્રેલિયાથી નીકળ્યા, ત્યાંની બોર્ડર બંધ થવા લાગી. આવું જ કંઈક સ્વિટ્ઝરલેન્ડમાં પણ થયું. આ કારણથી જૂહી તેના લંડનવાળા ઘરે પહોંચી અને ત્યાં તેના સાસરીવાળા પણ આવી ગયા.
એ સમયે ભારતમાં પણ ઈન્ટરનેશનલ ફ્લાઈટ્સ પર પ્રતિબંધ લાગવાનો શરૂ થઈ ગયો હતો. સ્થિતિની ગંભીરતા જોઈને જૂહીએ ભારત પરત આવવાનો નિર્ણય લીધો, કારણ કે જૂહી માને છે કે, પોતાનું ઘર અને પોતાનો દેશ જ પોતાનો છે.
ભારત પરત આવવા માટે જૂહીને ભારતના હાઈ કમિશનથી વાત કરી પડી અને પછી તેમણે જૂહી અને તેના પરિવારને સુરક્ષિત મુંબઈ પહોંચાડ્યા. ભારત અને ઘરે પરત આવીને જૂહી ખૂબ જ ખુશ છે. જૂહીએ લોકડાઉનમાં કોલોની ફરતાં મોરની તસવીરો પણ શેર કરી હતી.