બોલિવૂડની દિગ્ગજ એક્ટ્રેસિસમાંથી એક એક્ટ્રેસ જૂહી ચાવલાને ફિલ્મોમાં તેની દમદાર એક્ટિંગને કારણે ઓળખવામાં આવે છે. હમેશાં ખુશ રહેનાર અને તેની આસપાસના લોકો અને ફેન્સને ખુશ રાખનાર જૂહી ચાવલા એક ઈન્ટરવ્યૂ દરમિયાન ઈમોશનલ થઈ ગઈ હતી. ઈન્ટરવ્યૂ દરમિયાન પોતાના દિવંગત ભાઈ બોબી ચાવલા વિશે વાત કરતા અભિનેત્રી તેના આંસુ રોકી શકી ન હતી અને રડી પડી હતી.
બોલિવૂડની દિગ્ગજ અભિનેત્રી જૂહીનું દર્દ છલકાયું
ભાઈને યાદ કરીને ઈમોશનલ થઈ એક્ટ્રેસ
4 વર્ષ પહેલાં થયું હતું ભાઈનું નિધન
4 વર્ષ પહેલાં ભાઈનું થયું હતું નિધન
તમને જણાવી દઈએ કે, જૂહી ચાવલાના ભાઈ બોબી ચાવલાનું 9 માર્ચ, 2014 ના રોજ અવસાન થયું હતું. અગાઉ, તે 2010માં કોમામાં જતો રહ્યો હતો અને ચાર વર્ષ કોમામાં રહ્યા પછી તેનું અવસાન થયું હતું. બોબી ચાવલા શાહરૂખ ખાનની કંપની રેડ ચિલીઝ એન્ટરટેનમેન્ટના સીઈઓ અને તેના નજીકના મિત્ર પણ હતા.
બોબી ચાવલા જૂહી ચાવલા કરતા આઠ વર્ષ મોટા હતા
જૂહી ચાવલાએ ઇન્ટરવ્યૂમાં જણાવ્યું કે, ભાઈ બોબી ચાવલા તેમના કરતા આઠ વર્ષ મોટા હતા. એ જ્યારથી હોસ્પિટલમાં ગયા ત્યારથી તે ક્યારેય ઘરે પાછા આવ્યા નહીં. હોસ્પિટલમાં તેમનો મોટાભાગનો સમય આઈસીયુમાં જ પસાર થયો હતો. અભિનેત્રીએ જણાવ્યું કે માતા-પિતાના અવસાન બાદ તેના ભાઇના અવસાનથી તે ખૂબ દુખી થઈ હતી. તે મારા કરતા મોટા હતા, તેથી અમે વધારે નજીક નહોતા, પરંતુ માતા-પિતાના અવસાન પછી, લોકોને લાગતું હતું કે, તે હંમેશા મારી સાથે રહેશે. લોકો હંમેશાં મને કહે છે કે તમે શા માટે આટલા નમ્ર અને સરળ સ્વભાવના છો, હું હંમેશાં કહું છું કે, મેં સૌથી શ્રેષ્ઠ અને ખરાબ સમય જોયો છે.
જૂહી ચાવલાએ એકવાર કહ્યું હતું કે, જ્યારે તે તેના કોઈ નજીકના વ્યક્તિને ગુમાવી દે છે ત્યારે પ્રશ્નોના જવાબ શોધવા અને મન શાંત કરવા તે વધુ આધ્યાત્મિક બની જાય છે. આ સાથે અભિનેત્રીએ કહ્યું કે, તે આજે પણ ધન્ય અનુભવે છે કે તેની પાસે સારો પતિ અને સંતાન છે.