માનવતા / આ અભિનેત્રીનાં દિકરાએ ઓસ્ટ્રેલિયામાં લાગેલી આગનાં પીડિતો માટે પોતાની પૉકેટ મની આપી દીધી

• જૂહી ચાવલાએ ભગવાનનો આભાર માન્યો
• જૂહી ચાવલાનાં દિકરાએ માતાને કર્યો આ સવાલ
• દિકરાની નેક દિલી જોઈ જૂહી ચાવલા ગદગદ થઈ

જૂહી ચાવલાના દિકરાએ પૉકેટમનીમાંથી આપ્યાં આટલા ડૉલર

બોલીવુડ અભિનેત્રી જૂહી ચાવલાનાં દિકરા અર્જુને ઓસ્ટ્રેલિયામાં લાગેલી આગમાં અસરગ્રસ્ત લોકોને મદદ કરવા માટે શક્ય તેટલા પ્રયાસ કરી રહ્યો છે. અર્જુને પોતાની પૉકેટ મનીમાંથી 300 પાઉન્ડ ઓસ્ટ્રેલિયાનાં રાહત ફંડમાં દાન કર્યાં છે. રિપોર્ટ અનુસાર ઓસ્ટ્રેલિયાનાં જંગલમાં લાગેલી આગથી અત્યાર સુધી 25 લોકોના જીવ ગયાં છે. તેમજ આગથી જંગલને ભારે નુકશાન થયું છે. અરબો ડોલરનું નુકશાન થયાનો અંદાજ છે. 

જૂહી ચાવલાને દિકરાએ પૂછ્યું તમે ઓસ્ટ્રેલિયા માટે શું કરી રહ્યાં છો

દિકરાની આ સરાહનીય પહેલ વિશે વાત કરતાં જૂહી ચાવલાએ કહ્યું કે મને યાદ છે કે તેણે મને કહ્યું કે ઓસ્ટ્રેલિયામાં લાગેલી આગનાં કારણે 50 કરોડ જાનવરોના મોત નિપજ્યાં છે. કહેતા તેણે મને પૂછ્યું કે આ બાબાતે તમે શું કરી રહ્યાં છો. ત્યારે મે કહ્યું કે હું કાવેરી કૉલિંગ પ્રોજેક્ટનાં માધ્યમથી વૃક્ષારોપણ કરવામાં મદદ કરી રહી છું. 

અર્જૂને કર્યુ આ કાર્ય

જૂહી ચાવલાએ વાતને આગળ વધારતા કહ્યું કે એક દિવસ પછી તેણે મને કહ્યું કે મે મારી પૉકેટ મનીમાંથી 300 પાઉન્ડ ત્યાં મોકલી આપ્યાં છે. મને આશા છે કે તે યોગ્ય જગ્યાએ પહોંચશે. સાચું કહું તો હું બહું ખૂશ થઈ હતી અને ભગવાનનો આભાર માન્યો હતો. મને એ વિચારીને આનંદ થયો કે દિકરાનું દિલ યોગ્ય જગ્યાએ છે. ઉલ્લેખનીય છે કે અર્જુન હાલમાં બ્રિટનનાં બૉર્ડિગ સ્કૂલમાં અભ્યાસ કરી રહ્યો છે.