થોડા દિવસ પહેલા બોલિવુડના 'કિંગ ખાન' શાહરૂખે પોતાની દિકરી સુહાનાના ગ્રેજ્યુએશનની ફોટો શૅર કર્યો હતો. હવે તેની ફ્રેન્ડ અને કો-એક્ટ્રેસ જુહી ચાવલાએ તેની દિકરી જાહ્નવીની ફેરવેલ પાર્ટીનો ફોટો શૅર કર્યો છે.
દિકરીના ગ્રેજ્યુએશન પછી જુહીએ ઇમોશનલ થઇને સોશ્યલ મીડિયા પર ફોટો શૅર કરતા કેપ્શન લખ્યુ કે, ''જાહ્નવી તેની સ્કૂલમાં ફેરવેલમાં. ખુશ અને દુખી બંને એક જ સમયે''
જુહીએ 1995માં બિઝનેસમેન જય મેહતા સાથે લગ્ન કર્યાં હતાં. જુહી અને જયને 18 વર્ષની દિકરી જાહ્નવી અને 16 વર્ષનો દિકરો અર્જૂન છે. જુહીએ પોતાના બન્ને બાળકોને હંમેશાં લાઈમલાઈટથી દૂર રાખ્યા છે. બન્ને કોઈ બોલિવૂડ પાર્ટી અથવા ઇવેન્ટમાં નજર નથી આવતા. જુહીએ એક ઇન્ટરવ્યૂમાં કહ્યું હતું કે,'' તેના બાળકોને ફિલ્મોમાં કોઈ રસ નથી.'' જાહ્મવી મોટી થઇને રાઇટર બનવા માગે છે.
જુહીના જણાવ્યાં અનુસાર, તેની દિકરી લો-પ્રોફાઈલ રહેવાનું પસંદ કરે છે. તે સોશ્ય મીડિયા પર પણ એક્ટિવ નથી. તે દીપિકા પાદુકોણ અને વરુણ ધવનની ફેન છે. જાહ્નવી અને અર્જૂન બંને ધીરુભાઈ અંબાણી ઇન્ટરનેશનલ સ્કૂલમાં ભણ્યા હતા, જે પછી તેઓ ભણવા માટે લંડન જતા રહ્યા.
2017માં જાહ્નવીએ પોતાની સ્કૂલના ટોપ 10 સ્ટુડન્ટ્સમાં સ્થાન મેળવ્યું હતું. ત્યારે જુહીએ સોશ્યલ મીડિયા પર ફોટો શેર કરીને લખ્યું હતું કે, ''વિશ્વાસ નથી કરી શકતી, મારી હોશિયાર છોકરી, મને તારા પર ગર્વ છે.''