દિકરા વરૂણ ધવન સાથે 'જુડવા 2' બનાવ્યા બાદ હવે ડેવિડ ધવન આ ફિલ્મનો ત્રીજો પાર્ટ બનાવવાની તૈયારી કરી રહ્યાં છે. આ ફિલ્મ સાજિદ નડિયાદવાલાએ પ્રોડ્યૂસ કરી હતી. હવે એવા સમાચાર છે કે ડેવિડ ધવન અને સાજિદ 'જુડવા 3'ની તૈયારીઓમાં લાગી ગયા છે.
પણ આશ્ચર્યની વાત એ છે કે 'જુડવા 3'માં ડેવિડ ધવન પોતાના દિકરા વરૂણને લેવા માંગતા નથી. તમને જણાવી દઈએ કે, 'જુડવા 2'માં વરૂણ ધવન લીડ રોલમાં હતો. જ્યારે 'જુડવા 1'માં સલમાન જોવા મળ્યો હતો. રિપોર્ટની માનીએ તો 65 કરોડના બજેટમાં બનેલી 'જુડવા 2'એ 200 કરોડ રૂપિયાથી વધુની કમાણી કરી હતી અને ફિલ્મ બ્લોબસ્ટર રહી હતી. પણ હવે સાજિદ બીજા કોઈ એક્ટર સાથે આ ફિલ્મ બનાવવા માંગે છે. જેથી આ ફિલ્મમાં વરૂણ ધવન કે સલમાન ખાન જોવા નહીં મળે.
'જુડવા 3' 1997માં આવેલી સલમાન ખાનની ફિલ્મ 'જુડવા'ની ફ્રેન્ચાઈઝી છે. એને પણ ડેવિડે બનાવી હતી અને સાજિદે પ્રોડ્યૂસ કરી હતી. રિપોર્ટ મુજબ, મેકર્સ 'જુડવા 3'માં ટાઈગર શ્રોફને લેવાનું મન બનાવી રહ્યાં છે. જોકે, ઓફિશિયલી આ અંગે હાલ કોઈ એનાઉન્સમેન્ટ થયું નથી અને લીડ ફીમેલ રોલ માટે સારા અલી ખાન, જાહ્નવી કપૂર કે પછી અનન્યા પાંડે આ ત્રણેયમાંથી કોઈ એકને લેવાની ચર્ચા છે. જ્યારે સેકન્ડ લીડમાં દિશા પટનીને સાઈન કરવામાં આવી શકે છે.
ઉલ્લેખનીય છે કે, ટાઈગર શ્રોફની ફિલ્મ બાગી 3 નું ટ્રેલર રિલીઝ થઈ ચૂક્યું છે અને લોકો તેને ખૂબ જ પસંદ કરી રહ્યાં છે. ટ્રેલરમાં ટાઈગરની બોડી, સ્ટન્ટ અને એક્શનની ખૂબ પ્રશંસા થઈ રહી છે. આ ફિલ્મમાં ટાઈગર સિવાય રિતેશ અને શ્રદ્ધા કપૂર પણ મુખ્ય ભૂમિકામાં જોવા મળશે.