ડેમોક્રેટિક બહુમતિવાળા હાઉસ ઓફ રિપ્રેઝેટેટિવની કમિટીએ અમેરિકાના રાષ્ટ્રપતિ ડોનાલ્ડ ટ્રમ્પ વિરુદ્ધના બે આરોપોને મંજૂરી આપી દીધી છે. આમ હવે રાષ્ટ્રપતિ ટ્રમ્પ વિરુદ્ધ મહાભિયોગની પ્રક્રિયામાં આગળ વધશે. હાઉસ જ્યૂડિશિયરી કમિટિએ શુક્રવારે 23-17 થી મહાભિયોગના પ્રસ્તાવને મંજૂરી આપી દીધી છે.
જ્યૂડિશિયરી કમિટિએ શુક્રવારે 23-17 થી મહાભિયોગના પ્રસ્તાવને મંજૂરી આપી
રાષ્ટ્રપતિ ડોનાલ્ડ ટ્રમ્પ વિરુદ્ધના બે આરોપોને મંજૂરી
ટ્રમ્પની પાર્ટી રિપબ્લિબકન ગણાવ્યું શરમજનક
અમેરિકાના રાષ્ટ્રપતિ ટ્રમ્પના હરીફ જો બિડેન વિરુદ્ધ તપાસને લઇને યૂક્રેન પર દબાણ બનાવા અને ડેમોક્રેટ્સને તેની તપાસ કરવાનો આરોપ છે. જો આગામી અઠવાડિયામાં હાઉસ ટ્રમ્પ વિરુદ્ધ મહાભિયોગ ચલાવાના પ્રસ્તાવમાં મતદાન કરે છે તો આ કાર્યવાહીનો સામનો કરનારા અમેરિકાના ત્રીજા રાષ્ટ્રપતિ હશે. જો કે ટ્રમ્પને અમેરિકાના રાષ્ટ્રપતિ પદથી હટાવવાની શક્યતા ઘણી ઓછી છે, કારણ કે સીનેટમાં તેમની પાર્ટી રિપબ્લિકન બહુમતમાં છે.
આ મામલે સુનાવણી દરમિયાન ડેમોક્રેટસે ડોનાલ્ડ ટ્રમ્પ પર અમેરિકાના બંધારણ અને સુરક્ષાને ખતરામાં નાંખવા, જૂલાઇમાં યૂક્રેનના રાષ્ટ્રપતિ વોલ્દિમીર જેલેંસ્કીને ફોન કરી બિડેન વિરુદ્ધ તપાસને લઇને દબાણ કરવાનો આરોપ લગાવ્યો હતો.
રિપબ્લિબકન પાર્ટી ગણાવ્યું શરમજનક
જ્યારે બીજી તરફ ટ્રમ્પનો બચાવ કરતા રિપબ્લિકન્સે આ કાર્યવાહીને રાજકીય પ્રેરિત ગણાવી. સીનેટની જ્યૂડિશિયરી કમિટિના ચેરમેન લિંડસે ગ્રાહમે કહ્યું, આ પગલુ 2016માં ટ્રમ્પને મળેલી આશ્ચર્યજનક જીતનું પરિણામ છે.
આવતા અઠવાડિયે મહાભિયોગ પર ચર્ચા
એક વરિષ્ઠ ડેમોક્રેટ્સ સાંસદના જણાવ્યા અનુસાર મતદાન પહેલા હાઉસ આવનારા બુધવારના રોજ મહાભિયોગ પર ચર્ચા કરવાની યોજના બનાવી છે જેનાથી મહાભિયોગની પ્રક્રિયા આગળ ચલાવી શકાય અને તેને ટ્રાયલ માટે પણ મોકલી શકાય.
શું છે સંપૂર્ણ મામલો
અમેરિકાના રાષ્ટ્રપતિ ડોનાલ્ડ ટ્રમ્પ પર આરોપ છે કે તેમણે 2020ના રાષ્ટ્રપતિ ચૂંટણીમાં સંભવિત પ્રતિસ્પર્ધી જો બિડેન સહિત પોતાના આંતરિક પ્રતિસ્પર્ધીની ઇમેજને નુકસાન પહોંચાડવા માટે યૂક્રેન પાસે ગેરકાનૂની રીતે મદદ માંગી. હાઉસ જ્યુડિશિયરી કમિટીએ બુધવારે આ અંગે સુનવાણી શરૂ કરશે કે તપાસમાં સામેલ કરવામાં આવેલા પૂરાવા રાજદ્રોહ, લાંચ અથવા અપરાધિક અથવા ખરાબ વ્યવહારના આધાર પર બંધારણીય રીતે મહાભિયોગ ચલાવવાના ધોરણો પુરતા છે.