વોટ્સએપ દ્વારા શુક્રવારે દિલ્હી હાઈકોર્ટને કહેવામાં આવ્યું હતું કે તે યુઝર્સના ફોન નંબર આપ્યા વિના મેસેજિંગ એપ પર વાંધાજનક સ્થિતિમાં દર્શાવતા વીડિયોના પ્રસારને રોકી શકે નહીં
કથિત રીતે એક જજનો વાંધાજનક વિડીયો વાયરલ
વિડીયોને લઈને દિલ્હી HCની સુનાવણી થઇ
WhatsAppને વિડીયો હટાવવા માંગ કરી
એક ન્યાયાધીશના કથિત રીતે વાંધાજનક વાયરલ વીડિયોના કેસમાં, WhatsAppએ દિલ્હી હાઈકોર્ટને કહ્યું કે જ્યાં સુધી તેને યુઝર્સના ફોન નંબર આપવામાં ન આવે ત્યાં સુધી તે વાંધાજનક વીડિયોનું સર્ક્યુલેશન રોકી શકે નહીં. જો કે, કેન્દ્રએ કોર્ટમાં દાવો કર્યો છે કે તેણે આ માટે જરૂરી પગલાં લીધાં છે. ટ્વિટર સહિત અન્ય તમામ સોશિયલ મીડિયા પ્લેટફોર્મે પણ એક જજનો વાંધાજનક વીડિયો ડિલીટ કરવાનો દાવો કર્યો છે.
વોટ્સએપે યુઝર્સની માહિતી આપવાની દલીલ કરી
વોટ્સએપ દ્વારા શુક્રવારે દિલ્હી હાઈકોર્ટને કહેવામાં આવ્યું હતું કે તે યુઝર્સના ફોન નંબર આપ્યા વિના મેસેજિંગ એપ પર ન્યાયિક અધિકારીને વાંધાજનક સ્થિતિમાં દર્શાવતા વીડિયોના પ્રસારને રોકી શકે નહીં. વોટ્સએપ તરફથી હાજર રહેલા વરિષ્ઠ વકીલ કપિલ સિબ્બલે કહ્યું કે, "તેઓ અમારી પાસેથી એવું કંઈક કરવાની અપેક્ષા રાખી રહ્યા છે જે અમે કરવાની સ્થિતિમાં નથી." MeitY એ પણ કહ્યું કે જ્યાં સુધી તેઓ અમને ફોન નંબર નહીં આપે ત્યાં સુધી અમે આ કરી શકતા નથી.
ફેસબુક, ટ્વિટર અને યુટ્યુબમાંથી વિડીયો હટાવવામાં આવ્યો
ન્યાયાધીશના વાંધાજનક વીડિયો પર શુક્રવારે ફરી એકવાર સુનાવણી થઈ અને ફેસબુક, ટ્વિટર અને યુટ્યુબે દિલ્હી હાઈકોર્ટને જાણ કરી કે તેમણે વીડિયો હટાવી દીધો છે. તે જ સમયે, અરજદારે કોર્ટને તે વાંધાજનક વિડિયોને સોશિયલ ચેટ એપ વોટ્સએપ પરથી હટાવવાની માંગ કરી હતી અને કહ્યું હતું કે - હજુ પણ આ વીડિયો ઘણા URL પર ઉપલબ્ધ છે. તેના પર વોટ્સએપે હાઈકોર્ટને કહ્યું કે જ્યાં સુધી ફોન નંબર આપવામાં ન આવે ત્યાં સુધી વીડિયોને બ્લોક કરી શકાય નહીં, કારણ કે આ સર્વિસ ઓનલાઈન નથી.