દેશમાં નિર્ભયા કેસે ચકચાર મચાવી છે અને આરોપીને સતત 3 વખત ફાંસીની સજા ટળી છે ત્યારે રાજકોટમાં દુષ્કર્મના આરોપીને કોર્ટે ફાંસીની સજા ફટકારી છે. નોંધનીય છે કે, 40 વર્ષ બાદ રાજકોટની કોર્ટે ફાંસીની સજા ફટકારી હતી.
રાજકોટમાં 3 વર્ષની બાળકી સાથે દુષ્કર્મ અને હત્યાનો કેસ
આ બનાવ અંગે પ્રાપ્ત થતી વિગત અનુસાર, રાજકોટ કોર્ટના જજ ડી.ડી. ઠક્કરે પોસ્કોના આરોપી રમેશ વેદુકીયાને ફાંસીની સજા ફકટારી છે. બે વર્ષ પહેલા ભાવનગર રોડ પર રમેશે 3 વર્ષની બાળકી સાથે દુષ્કર્મ આચર્યું હતું. બાદમાં પીટીસી ગ્રાઉન્ડમાં બાળકીની હત્યા કરી હતી.
દુષ્કર્મના આરોપીને ફાંસીની સજા ફટકારવામાં આવી
દુષ્કર્મના બે વર્ષ બાદ આ આરોપીને ફાંસીની સજા ફટકારવામાં આવી છે. 40 વર્ષ બાદ રાજકોટ કોર્ટમાં ફરી ફાંસીની સજા સંભળાવવામાં આવી છે. આરોપી, સરકારી વકીલ અને તમામ ડીસ્ટ્રીક્ટ કોર્ટમાં હાજર રહ્યા હતા. ફાંસીની સજા ફટકાર્યા બાદ સરકારી વકીલોએ એકબીજાને મોં મીઠા કરાવ્યા હતા.
બાળકી સાથે દુષ્કર્મ આચર્યા બાદ કરી હતી હત્યા
9 ઓગસ્ટ 2018ના રોજ રમેશે ભાવનગર રોડ પરથી ત્રણ વર્ષની બાળકીનું રિક્ષામાં અપહરણ કર્યું હતું. ત્યારબાદમાં PTC ગ્રાઉન્ડમાં લઇ જઇ બાળકી પર દુષ્કર્મ આચરીને માથુ છૂંદીને હત્યા કરી હતી.
ફાંસીના નિયમો શું હોય છે?
ફાંસીની પ્રક્રિયમાં ફાંસીનો ફંદો, ફાંસીનો સમય જેવી પ્રક્રિયાઓ સામેલ છે
જેલ સુપિરિન્ટેન્ડેન્ટ, મેજિસ્ટ્રેટ, જલ્લાદ અને ડોક્ટરનું હોવું જરૂરી છે
ફાંસીનો સમય સવારે જ નક્કી કરાય છે જેથી જેલના કામમાં અડચણ ન આવે
ફાંસી આપવાનો સમય નક્કી થાય એટલે કેદીને ડેથ સેલમાં મોકલાય છે
ડેથ સેલમાં માત્ર અંધારું હોય છે અને આગલી રાત ત્યાં જ વીતે છે
ડેથ સેલની આજુબાજુ સુરક્ષા માટે સિક્યુરિટી સિવાય કોઈ હોતું નથી
ફાંસીના છેલ્લા સમયે માત્ર જલ્લાદ જ સજા પામનારની સાથે હોય છે
જલ્લાદ અપરાધીના કાનમાં એક વાત કહે છે અને લીવર ખેંચી લે છે
હિંદૂને `રામ-રામ' અને મુસ્લિમને `સલામ' એવું જલ્લાદ કાનમાં બોલે છે
જલ્લાદ કાનમાં બોલે છે કે હું મારી ફરજ આગળ લાચાર છું
અને સત્યની રાહ પર ચાલવાની તમારા માટે કામના કરું છું