રાજનીતિ / ભાજપના કાર્યકારી અધ્યક્ષ પદે જેપી નડ્ડાની પસંદગી, સંસદીય દળની બેઠકમાં લેવાયો નિર્ણય

આપને જણાવી દઇએ કે, ભાજપની સંસદીય દળની બેઠકમાં નડ્ડાના નામની જાહેરાત કરવામાં આવી હતી. નડ્ડા આગામી ડિસેમ્બર માસ સુધી પક્ષના કાર્યકારી રાષ્ટ્રીય અધ્યક્ષ પદે રહેશે.

Delhi: Senior BJP leaders present bouquets to JP Nadda at the BJP Parliamentary Board meeting being held at the BJP headquarters. pic.twitter.com/sgvmAx2tym

— ANI (@ANI) June 17, 2019

અત્રે નોંધનીય છે કે, ભાજપના દિગ્ગજ નેતા અમિત તાજેતરમાં ગુજરાતની ગાંધીનગર બેઠક પરથી સાંસદ તરીકે ચૂંટાઇ આવ્યા બાદ ગૃહ રાજ્યમંત્રી તરીકેની તેમણે કમાન સંભાળી હતી. તેમની કાર્યભારમાં વધારો થયો હોવાથી ભાજપના રાષ્ટ્રીય અધ્યક્ષ પદ માટે કોના નામની પસંદગી કરવી તે અંગે છેલ્લા કેટલાક સમયગાળાથી ચર્ચા ચાલી રહી હતી. 

Rajnath Singh: BJP won several elections under leadership of Amit Shah Ji. But since PM appointed him Home Minister, Amit Shah Ji himself said the responsibility of party president should be given to someone else. BJP Parliamentary board has selected JP Nadda as working president pic.twitter.com/Z7boOluF6O

— ANI (@ANI) June 17, 2019

ત્યારે આજરોજ દિલ્હી ખાતે મળેલ સંસદીય દળની બેઠકમાં સર્વ સંમતિથી જેપી નડ્ડીની કાર્યકારી અધ્યક્ષ તરીકે પસંદગી કરવામાં આવી હતી. આપને જણાવી દઇએ કે, નડ્ડાને ભાજપના `સંકટમોચક' માનવામાં આવે છે, તેમણે પોતાની કારકીર્દીની શરૂઆત અખિલ ભારતીય વિદ્યાર્થી પરિષદ થકી કરી હતી.

કોણ છે જેપી નડ્ડા ?

• જમીન સાથે જોડાયેલા નડ્ડાને ભાજપના `સંકટમોચક' માનવામાં આવે છે
• ABVPથી કારકિર્દીની શરૂઆત કરી
• નડ્ડાનો જન્મ 2, ડિસેમ્બર 1960ના રોજ પટણામાં હિમાચલપ્રદેશી બ્રાહ્ણણ પરિવારમાં થયો
• પિતા એનએલ નડ્ડા પટણા યુનિવર્સિટીમાં વાઈસ ચાંસેલર હતા
• 1977માં પટના યુનિવર્સિટીમાં નડ્ડાએ વિદ્યાર્થી યુનિયનની ચૂંટણી જીતી
• નડ્ડાએ જય પ્રકાશ નારાયણના આંદોલનમાં પણ ભાગ લીધો
• બાદમાં ઉચ્ચ શિક્ષણ માટે પોતાના ગૃહરાજ્ય હિમાચલપ્રદેશમાં પરત ફર્યાં
• નડ્ડાના નેતૃત્વમાં 1984માં ABVPએ પટના યુનિવર્સિટીમાં ચૂંટણી જીતી વિક્રમ સર્જ્યો
• 1986 થી 1989 સુધી એબીવીપીના મહાસચિવ રહ્યા
• 1991માં 31 વર્ષની ઉમરે ભાજપના યુવા મોરચાના અધ્યક્ષ બન્યા
• 1993માં હિમાચલપ્રદેશની બિલાસપુર વિધાનસભામાં બેઠકથી ચૂંટણી જીતી
• 1993ની ચૂંટણીમાં રાજ્યના દિગ્ગજ નેતાઓની હાર થતા નડ્ડા વિપક્ષના નેતા બન્યા
• 1998માં ફરી ચૂંટણી જીતીને પ્રેમકુમાર ધૂમલની સરકારમાં સ્વાસ્થ્યમંત્રી બન્યા
• 2003માં ચૂંટણી હાર્યા બાદ 2007માં જીતીને ફરી રાજ્યસરકારમાં મંત્રી બન્યા
• ધૂમલ સાથે મતભેદ થતા કેબિનેટ મંત્રી પદ છોડીને સંગઠનમાં કામ શરૂ કર્યું
• 2010માં ગડકરીએ નડ્ડાને ભાજપના રાષ્ટ્રીય મહાસચિવ બનાવ્યા
• 2012માં નડ્ડા રાજ્યસભાના સાંસદ તરીકે ચૂંટાયા
• 2017ની વિધાનસભાની ચૂંટણીમાં નડ્ડા મુખ્યમંત્રી પદના પ્રબળ દાવેદાર હતા
• ચૂંટણીમાં રાજપૂત સમીકરણને ધ્યાને રાખીને નડ્ડાને મુખ્યમંત્રી ન બનાવાયા
• 2019ની ચૂંટણીમાં નડ્ડાએ ગોરધન ઝડફિયા સાથે મળીને UPમાં 64 બેઠકો જીતાવી
• 2014માં ભાજપની જીત બાદ અધ્યક્ષપદની રેસમાં હતા નડ્ડા
• 2014માંઅમિત શાહને અધ્યક્ષ બનાવાતા નડ્ડાને કેન્દ્રીય સ્વાસ્થ્ય મંત્રી બનાવાયા