VIDEO / હવે તમારું પાંખડ નહીં ચાલે, જેપી નડ્ડાએ વીડિયો શેર કરીને રાહુલને માર્યો ટોણો

• જે.પી.નડ્ડાના રાહુલ ગાંધી પર પ્રહાર
• જૂનો વીડિયો પોસ્ટ કરી નિશાન સાધ્યું
• રાહુલ ગાંધીનો સંસદનો જૂનો વીડિયો કર્યો શેર

નડ્ડાએ શેર કરેલો વિડીયો ગૃહમાં અપાયેલા ભાષણનો છે, જેમાં રાહુલ ગાંધી ખેડુતો અને કંપનીઓ વચ્ચે વચેટિયાઓને હટાવવાની વાત કરી રહ્યા છે. 2 દિવસ પહેલા પણ નડ્ડાએ કોંગ્રેસના વચગાળાના અધ્યક્ષ સોનિયા ગાંધીનો એક જૂનો વીડિયો શેર કર્યો હતો અને તેમને નિશાન બનાવ્યા હતા. નોંધનીય છે કે નવા ફાર્મ કાયદાઓની વાત કરતી વખતે સરકારે ઘણી વાર સ્પષ્ટ કર્યું છે કે કાયદો લાગુ થયા પછી, ખેડૂતો અને પાક ખરીદનારાઓ વચ્ચે વચેટિયાઓની ભૂમિકા પૂરી થઈ જશે.

વીડિયો પોસ્ટ કરીને લખ્યું, હવે તમારું પાખંડ નહીં ચાલે 

નડ્ડાએ કહ્યું, 'રાહુલ જી, આ શું જાદુ થઈ રહ્યું છે? પહેલાં, તમે જેની હિમાયત કરી રહ્યા હતા, હવે તમે તેનો વિરોધ કરી રહ્યા છો. દેશના હિત, ખેડૂત હિત સાથે તમારે કંઈ લેવાદેવા નથી.હવે માત્ર રાજકારણ કરવાનું છે.પણ તમારું દુર્ભાગ્ય એ છે કે હવે તમારું પાખંડ ચાલશે નહીં. દેશના લોકો અને ખેડુતો તમારા બેવડા ચરિત્રને જાણી ચૂક્યા છે.

ये क्या जादू हो रहा है राहुल जी?

पहले आप जिस चीज़ की वकालत कर रहे थे, अब उसका ही विरोध कर रहे है।

देश हित, किसान हित से आपका कुछ
लेना-देना नही है।आपको सिर्फ़ राजनीति करनी है।लेकिन आपका दुर्भाग्य है कि अब आपका पाखंड नही चलेगा। देश की जनता और किसान आपका दोहरा चरित्र जान चुके है। pic.twitter.com/Uu2mDfBuIT

— Jagat Prakash Nadda (@JPNadda) December 27, 2020

કોંગ્રેસના વચગાળાના પ્રમુખ સોનિયા ગાંધી પર પણ કર્યા પ્રહાર 

ગુરુવારે નડ્ડાએ કોંગ્રેસના વચગાળાના પ્રમુખ સોનિયા ગાંધીનો એક વીડિયો પણ શેર કર્યો હતો. આ વીડિયો દ્વારા પણ નડ્ડાએ કોંગ્રેસ પર ખેડૂત મુદ્દે આરોપ લગાવ્યો હતો. નડ્ડાએ કહ્યું હતું કે, 'કોંગ્રેસની સત્યતા જે ખેડૂતોને મૂંઝવણમાં મૂકે છે અને તેમને તેમના હકથી વંચિત રાખે છે. સોનિયા ગાંધી ખેડૂતો માટે વચેટિયા મુક્ત બજારની હિમાયત કરતા હતા અને હવે તેનો વિરોધ કરે છે.