મુંબઇ: બોલિવૂડની એક્ટ્રેસમાં સૌથી ચુલબુલી એ~ટ્રેસનો એવોર્ડ કોઇને આપી શકાય. તો તેમાં સૌથી પહેલા નામ શ્રીદેવીનું આવતું હતું. પોતાના અભિયનથી શ્રીદેવીએ બોલવૂડમાં એક્ટ્રેસની છબિને અલગ ઓળખ આપી હતી.
13 ઓગસ્ટ 1963માં તમિલનાડુના શિવકાશીમાં થયો હતો જન્મ
હવા હવાઈ ગર્લ શ્રીદેવીનો જન્મ 13 ઓગસ્ટ 1963માં તમિલનાડુના શિવકાશીમાં થયો હતો.
શ્રીદેવીએ 4 વર્ષની ઉંમરે જ ફિલ્મોમાં કામ કરવાનું શરૂ કરી દીધુ હતુ.
બાળ કલાકાર તરીકે શ્રીદેવીએ ફિલ્મ કંદન કરૂણાઇમાં ભગવાન શિવનો રોલ કર્યો હતો. આ સિવાય પણ શ્રીદેવી અનેક તમિલ અને તેલુગુ ફિલ્મોમાં બાળ કલાકાર તરીકે કામ કરી ચૂકી છે.
જૂલીમાં સપોટિંગ એક્ટ્રેસ તરીકે પ્રથમ ફિલ્મ કરી
બોલિવૂડમાં શ્રીદેવી સૌ પહેલા વર્ષ 1975માં રીલિઝ થયેલી ફિલ્મ જૂલીમાં સપોટિંગ એક્ટ્રેસ તરીકે જોવા મળી.
લિડ એક્ટ્રેસ તરીકે તે પહેલી વાર 1979માં આવેલી ફિલ્મ સોલવા સાવનમાં જોવા મળી. પણ આ ફિલ્મ ફ્લોપ ગઇ.
વર્ષ 1983માં રીલિઝ થઇ ફિલ્મ હિમ્મતવાલા અને આ ફિલ્મ સાથે શરૂ થઈ શ્રીદેવીની સફળતાની કહાની. હિમ્મતવાલામાં શ્રીદેવી અને જીતેદ્રની જોડીને બહુ પસંદ કરવામાં આવી. તેના પછી શ્રીદેવી અને જીતેદ્રની જોડી સુપરહિટ બની ગઈ. જીતેદ્ર સાથે શ્રીદેવીએ ફિલ્મ તોહફા મવાલી જસ્ટિસ ચૌધરી જેવી હિટ ફિલ્મો આપી.
80ના દશકમાં અનેક સુપરહિટ ફિલ્મો આપી
ચાલબાજ ફિલ્મ માટે બેસ્ટ એક્ટ્રેસનો ફિલ્મફેર એવોર્ડ મળ્યો
વર્ષ 1983માં જ શ્રીદેવીની કમલ હસન સાથે ફિલ્મ સદમા રીલિઝ થઇ. આ ફિલ્મ સુપરહિટ થઇ.આ ફિલ્મમાં શ્રીદેવીએ એક પાગલ યુવતીનો રોલ કરીને હસાવ્યા તો વળી કમલ હાસનના સુપર પરફોર્મન્સે લોકોને રડાવ્યા પણ હતાં.
80ના દશકમાં શ્રીની નગીના કર્મા સુહાગન જાંબાઝ મિસ્ટર ઇન્ડિયા ચાલબાઝ અને ચાંદની જેવી સુપરહિટ ફિલ્મો રીલિઝ થઇ.
ફિલ્મ મિસ્ટર ઇન્ડિયાનાં હવા હવાઇ સોંગે શ્રીદેવીને બોલિવૂની મિસ હવા હવાઇ બનાવી દીધી. આ ફિલ્મ સુપરહિટ થઇ. શ્રીની વધુ એક ફિલ્મ ચાંદનીએ પણ તેની બેસ્ટ ફિલ્મોમાં વધારો કરી દીધો. ફિલ્મ ચાલબાઝ માટે શ્રીદેવીને પહેલીવાર બેસ્ટ એક્ટ્રેસનો ફિલ્મફેર એવોર્ડ મળ્યો. આ ફિલ્મમાં તે ડબલ રોલમાં જોવા મળી.
જીતેદ્ર અનિલ રિશી મિથુન અને BIGB સાથે હિટ જોડી બનાવી
શ્રીદેવીએ અનેક એક્ટર્સ સાથે જોડી બનાવી. જેમાં જીતેદ્ર અનિલ કપૂર રિશી કપૂર મિથુન ચક્રવર્તી તો અમિતાભ બચ્ચન જેવા કલાકાર સાથે પણ શ્રીદેવીની જોડી લોકોને બહુ પસંદ કરી હતી.
ખાસ કરીને અમિતાભ અને શ્રીદેવીની ફિલ્મ ખુદા ગવાહને આજે પણ લોકો યાદ કરે છે. ખુદા ગવાહની બેનજીરને આજે પણ લોકો ભુલ્યા નથી.
2 જૂન 1996 શ્રીદેવીએ બોની કપૂર સાથે લગ્ન કર્યા
શ્રીદેવીએ ગુમરાહ લાડલા જેવી હિટ ફિલ્મો આપી. 2 જૂન 1996 શ્રીદેવીએ ફિલ્મમેકર બોની કપૂર સાથે લગ્ન કરી લીધા. લગ્ન પછી વર્ષ 1997માં શ્રીની છેલ્લી ફિલ્મ જુદાઇ રીલિઝ થઇ. આ ફિલ્મ પછી શ્રીદેવીએ ફિલ્મોમાં કામ કરવાનું છોડી દીધુ હતું.
શ્રીદેવી બે દીકરીઓની મા છે. એક જાન્હવી અને બીજી ખુશી. શ્રીદેવીને થોડા સમય પહેલા પદ્મ શ્રી એવોર્ડથી સન્માનિત કરવામાં આવી છે.
15 વર્ષ પછી ફિલ્મોમાં કમબેક કર્યું
શ્રીદેવીએ 15 વર્ષ પછી ફરી બોલિવૂડમાં કમબૈક કર્યુ.
ઇંગ્લિશ વિંગ્લિશ ફિલ્મમાં શ્રીદેવીએ ફરી એકવાર પોતાની એક્ટિંગથી દર્શકોના દિલ જીતી લીધા અને છેલ્લે આવેલી તેની મોમ ફિલ્મથી એકવાર ફરી તે છવાઇ ગઇ હતી.
આજે બોલિવૂડની હવા હવાઈ ગર્લ કહો કે ચાંદની આ દુનિયાને અલવિદા કહી ગઇ છે. ત્યારે શ્રીદેવીના ચાહકો અને બોલિવૂડને મોટો ઝટકો આપતી ગઇ છે.