વિવાદ / કંગના રાણાવતને મીડિયા સાથે પંગો લેવો પડ્યો ભારે, પત્રકારોએ લીધો આ નિર્ણય

બોલીવૂડ અભિનેત્રી કંગના રાણાવત અને તેમની બહેન રંગોલી ચંદેલ દ્વારા સમગ્ર મીડિયાને ખરૂ ખોટુ સંભળાવવાનુ ભારે પડ્યું છે. ગિલ્ડ ઓફ ઈન્ડિયાએ કંગનાની આગામી ફિલ્મ જજમેન્ટલ હૈ ક્યા નું સંપૂર્ણ બોયકોટ કર્યું છે અને મીડિયા કવરેજ નહીં આપવાનો નિર્ણય કર્યો છે. 

ઘટનાની વિગત એવી છે કે કંગના રાણાવત એક પત્રકાર પરિષદ દરમિયાન પત્રકારોને ખૂબ જ ખરૂ ખોટુ સંભળાવ્યું હતુ. જે બાદ રંગોલી ચંદેલે પણ ટ્વીટ કરીને અનેક વિવાદાસ્પદ નિવેદનો આપ્યા હતા. ત્યારે એન્ટરટેઈનમેન્ટ જર્નલિસ્ટ્સ ગિલ્ડ ઓફ ઈન્ડિયા નામની સંસ્થાએ ફિલ્મના પ્રોડ્યુસર એકતા કપૂરને પણ એક પત્ર લખીને ફિલ્મને બોયકોટ કરવાની અને મીડિયા કવરેજ નહીં આપવાની વાત કરી છે. 

આ પત્રમાં લખવામાં આવ્યું છે કે તમારી ટીમે અમને અંધેરીમાં આયોજિત એક કાર્યક્રમનું કવરેજ કરવા માટે રિક્વેસ્ટ કરી હતી. જેમાં કંગના અને રાજકુમાર બંને હતા. કંગના અમારા પત્રકાર પર ઉશ્કેરાયા હતા. પત્રકારના સવાલ પૂરો સાંભળ્યા વગર કંગના ઉશ્કેરાયા હતા. તમે પણ આ ઈવેન્ટમાં હાજર હતા અને ઘટનાથી વાકેફ છો. અમે આ મામલે લેખિતમા સ્ટેટમેન્ટ અને કંગના દ્વારા કરવામાં આવેલા વર્તનની નિંદા કરીએ છીએ.

Entertainment Journalists' Guild of India boycotts Kangana Ranaut, decides to "not give her any media coverage" over an incident where she accused a journalist of running a "smear campaign" against her at a song launch event of movie 'Judgementall Hai Kya'. pic.twitter.com/ysOOV5KYrE

— ANI (@ANI) July 9, 2019

કંગના રાણાવતે પોતાની અપકમિંગ ફિલ્મ જજમેન્ટલ હે ક્યા ની એક પ્રેસ કોન્ફરન્સ દરમિયાન એક પત્રકારને ખરાબ રીતે ખખડાવ્યો હતો. રિપોર્ટ્સ પ્રમાણએ કંગનાએ પત્રકારને કહ્યું, 'તુ તો અમારો દુશ્મન બની ગયો છે યાર. ખૂબ જ ખરાબ વાતો લખી રહ્યો છે. કેટલી વધારે ગંદી ગંદી વાતો લખી રહ્યો છે. આટલું ખરાબ વિચારે કેવી રીતે છે.' ત્યારે પત્રકાર દ્વારા આ વાતનો વિરોધ કરવામાં આવ્યો હતો.