દિલ્હી પોલીસે શનિવારે જણાવ્યું હતું કે, એક ચીની મહિલા અને તેના નેપાળી સાથીની ધરપકડ કરી છે. પોલીસે દાવો કર્યો છે કે, ચીની જાસૂસી એજન્સીઓને સંવેદનશીલ સૂચના આપવા બદલ ફ્રીલાન્સર રાજીવ શર્માને મોટી રકમ ચૂકવાતી હતી. પોલીસે જણાવ્યું કે, આ મામલે પત્રકાર રાજીવ શર્માની ધરપકડ કરી છે.
ચીનીઓને આ શખ્સ આપતો હતો ગુપ્ત માહિતી
દરેક જાણકારી પર મળતા 1 હજાર ડોલર
દિલ્હી પોલીસે 3 લોકોની કરી ધરપકડ
પત્રકારોને વચેટિયા કંપની મારફતે મોટી રાશિની ચૂકવણી કરવાના આરોપમાં ચીની મહિલા અને તેના નેપાળી સાથીની ધરપકડ કરી છે. ચીની જાસૂસી એજન્સીએ પત્રકારને સંવેદનશીલ સૂચનાઓ આપવા અને બદલ મોટી રકમ લેવાનું કહ્યું હતું.
મોટી સંખ્યામાં મોબાઇલ ફોન, લેપટોપ મળી આવ્યા
તેમણે જણાવ્યું કે, મોટી સંખ્યામાં મોબાઇલ ફોન, લેપટોપ અને અન્ય આપત્તિજનક સામગ્રી મળી આવી છે. પોલીસે વધુમાં જણાવ્યું હતું કે, વિશેષ ટીમે તેમની ધરપકડ કરી હતી. પોલીસ ઉપાયુક્ત સંજીવ કુમાર યાદવે શુક્રવારે કહ્યું કે, તેમની પાસેથી સંરક્ષણ સાથે જોડાયેલ કેટલાક ખાનગી દસ્તાવેજ મળી આવ્યા હતા. આ મામલાની વધુ તપાસ ચાલી રહી છે.
દરેક સૂચના આપવા માટેના 1000 ડોલર મળતા
પોલીસના જણાવ્યા અનુસાર, ધરપકડ કરાયેલ રાજીવ શર્મા નિયંત્રણ રેખા પર સેનાની તૈનાતી અને ભારતની સીમા રણનીતિની જાણકારી ચીની તંત્રને આપી રહ્યો હતો. આ માટે તેને દોઢ વર્ષમાં 40 લાખ રૂપિયા મળ્યા હતા. તેને દરેક સૂચના આપવા માટેના 1000 ડોલર મળતા હતા.