ચંદ્રયાન 2 ચંદ્રના દક્ષિણ ધ્રુવ પર ઉતરે તેની અમુક સેકન્ડ પહેલા જ ISRO ની સાથે સંપર્ક તૂટી ગયો.
થોડા સમય પહેલા જ્યારે લેન્ડરનો સંપર્કના થયો ત્યારે ISRO ના ચીફ કે સિવાને લેન્ડરનો સંપર્ક તૂટ્યો તે માટેની સત્તાવાર જાહેરાત કરી. જે પછી ISROના ચીફ કે. સિવને કહ્યું કે ''વિક્રમ લેન્ડર ચંદ્ર પર ઉતરવાના મિશનની યોજના પ્રમાણે જ કામ કરી રહ્યુ હતુ અને 2.1 કિમી ઉંચાઇ સુધી બધુ જ ઠીક હતુ. જે પછી વિક્રમનો ગ્રાઉન્ડ સ્ટેશન સાથે સંપર્ક તૂટી ગયો. ડેટાનું વિશ્લેષણ કરવામાં આવી રહ્યો છે.''
જોકે આ પછી પ્રેસ કોન્ફરન્સ રાખવામાં આવી જ્યાં દેશભરથી આવેલા પત્રકારોએ મિશનથી જોડાયેલા સવાલ પૂછ્યા. જોકે આ પ્રેસ કોન્ફરન્સમાં કે. સિવાન હાજર ન હતા. ISRO ચીફની ગેરહાજરીમાં સવાલ કરતા જાણીતી ન્યૂઝ ચેનલના પત્રકાર જવાબ આપી રહેલા વૈજ્ઞાનિક ડી.પી.કાર્નિક પર બૂમો પાડતા જોવા મળ્યા.
પત્રકાર ઉંચા અવાજમાં પૂછી રહ્યા હતા કે, આવી સ્થિતિમાં ISRO ના ચીફ અહીંયા હાજર રહેવુ ના જોઇએ? કેમ એક જૂનિયર સાઇન્ટિસ્ટ મિશનની અસફળતા માટેની જાણકારી આપી રહ્યા છે? પત્રકારની વાત સાંભળીને વૈજ્ઞાનિક શાંત રહ્યા. આ આખી ઘટનાનો વીડિયો સોશ્યલ મીડિયા પર વાયરલ થઇ રહ્યા છે.
1/2 .. My sincere and heartfelt apologies to Mr D P Karnik, for having inadvertently raised my voice to ask a question in the media room last night. I have sought apologies from him personally and this is to let the larger community know I have tremendous respect for ISRO ...2
2/2... I have tremendous respect for ISRO which I have often described as an 'Island of Excellence'. Sorry, guys, my behaviour did not conform with my own standards or the organisation I work for. It wont happen again. Pardon me @isro
જોકે વીડિયો વાયરલ થતા પત્રકારે માંફી માંગી અને ટ્વીટ કરીને કહ્યુ કે, ''હું ડી.પી.કાર્નિકની સાથે કરેલા વ્યવહાર માટે માફી માંગું છુ. મેં મોટા અવાજ તેમની સાથે વાત કરી. હું તેમની માફી માંગું છું. મને ISRO પ્રતિ સન્માન છે. મારા વ્યવહાર અને મારી માફીની સાથે મારા સંગઠનને કોઇ સંબંધ નથી. ફરી આવું નહી થાય. મને માફ કરી દેજો.''
તમને જણાવી દઇએ કે, શનિવારનો દિવસ દેશ સ્પેસ સાયન્સ માટે ઐતિહાસિક રહ્યો. ભારતની જનતા સિવાય દુનિયાભરની નજર ISRO ના આ મિશન પર હતી. ભારત અંતરિક્ષ વિજ્ઞાનમાં ઇતિહાસ રચવા માટે તૈયાર જ હતુ. ચંદ્રના દક્ષિણી ધ્રુવ પર લેન્ડર વિક્રમ ઉતરવાની તમામ પ્રક્રિયા સામાન્ય જ હતી. કુલ 13 મિનિટ 48 સેકન્ડ સુધી બધુ ઠીક અને સલામત ચાલી રહ્યુ હતુ. પરંતુ છેલ્લા દોઢ મિનિટ પહેલા જ્યારે લેન્ડર ચંદ્ર પરથી 2.1 કિલોમીટર ઉપર હતુ ત્યારે લગભગ 1.55 વાગે ISROનો નિયંત્રણ કક્ષ સાથે સંપર્ક તૂટી ગયો.