IPL 2022માં રાજસ્થાન રૉયલ્સના જોસ બટલરનું ધમાકેદાર પર્ફોમન્સ રહ્યું છે. જોસ બટલરે અત્યાર સુધી 16 ઈનિંગમાં 58.85ની સરેરાશથી 18 ઈનિંગમાં ચાર સદી અને એટલી અર્ધસદીની મદદથી 824 રન બનાવ્યાં છે. તેઓ ત્રીજા એવા બેટર બની ગયા છે, જેણે કોઈ એક IPL સિઝનમાં 800 અથવા તેનાથી વધુ રન બનાવ્યાં છે.
તો હવે રાજસ્થાન રૉયલ્સના જ વધુ એક ખેલાડીને લાગે છે કે તે જોસની જગ્યાએ ઓપનર હોત તો તેણે બટલર કરતા ડબલ રન બનાવ્યાં હોત. આ ખેલાડી બીજુ કોઈ નહીં, પરંતુ રાજસ્થાન રૉયલ્સના સૌથી સારા ખેલાડી યુઝવેન્દ્ર ચહલ છે. RRએ એક વીડિયો શેર કર્યો છે, જેમાં ચહલ આ દાવો કરી રહ્યાં છે. વીડિયોમાં ચહલ કહે છે, જોસ ભાઈએ 800 રન બનાવ્યાં? જો હું ઓપનર હોત તો 1600 રન બનાવ્યાં હોત. પાછળથી કોઈ બોલે છે કે 1000... વીડિયોમાં રૉયલ્સના બોલિંગ કોચ લસિથ મલિંગા પણ દેખાઈ રહ્યાં છે. મલિંગા કહે છે, તમને તક મળી નથી. પછી ચહલ કહે છે, હું ઑફ સ્પિન ફેંકી શકુ છુ. પછી કોઈનો અવાજ આવે છે કે બેક ઑફ ધ હેન્ડ સ્લોઅર બૉલ્સ, નકલ્સ બૉલ્સ? જેના પર ચહલ કહે છે, રૉ પેસ. પ્રથમ બોલ તમારે 115 કિલોમીટર પ્રતિ કલાકના સ્પીડથી ફેંકવો પડશે. તેઓ વિચારશે કે અરે આ તો નાનો શખ્સ છે, બોલ નહીં ફેંકી શકે. બીજો બોલ ધડામ ફિનિશ ! પાછળથી અવાજ આવે છે, 165KMPH? ચહલ કહે છે કે સરળતાથી. આ વીડિયોને અત્યાર સુધી 5 લાખ વ્યુજ મળી ચૂક્યા છે.
IPL-2022નો પ્રવાસ આજે અમદાવાદ સ્થિત વિશ્વના સૌથી મોટા સ્ટેડિયમમાં રમાશે. પહેલી વખત આ લીગ રમી રહેલ ગુજરાત ટાઈટન્સનો સામનો ફાઈનલમાં IPLની પહેલી સિઝનની વિજેતા ટીમ રાજસ્થાન રૉયલ્સ સામે છે. આ સિઝનમાં દિગ્ગજ ટીમોને જમીનદોસ્ત કરી ફાઈનલ સુધી પહોંચેલી ગુજરાતની ટીમ આ વખતે નવી ચેમ્પિયન બનવાની પૂરી કોશિશમાં છે.