રેકોર્ડ તુટ્યો / માહીનો આ રેકોર્ડ છેલ્લા 17 વર્ષમાં કોઈ તોડી ન્હોતું શક્યું, બટલરે એ કરી બતાવ્યું જે ડી-વિલિયર્સથી પણ ન થયું

• ઈંગ્લેન્ડે વન-ડે સીરીઝમાં નેધરલેન્ડને હરાવ્યું
• ઈંગ્લેન્ડે ત્રણ વન-ડેની સીરીઝને 3-0થી જીતી લીધી
• જોસ બટલરે મહેન્દ્ર સિંહ ધોનીનો રેકોર્ડ તોડ્યો

આ સાથે બટલરે  પૂર્વ ભારતીય કેપ્ટન મહેન્દ્ર સિંહ ધોનીનો એક 17 વર્ષ જૂનો રેકોર્ડ પણ તોડ્યો છે. ખરેખર, આ રેકોર્ડ કોઈ એક વન-ડે સીરીઝમાં વિકેટકીપર તરીકે સૌથી  વધુ છગ્ગા ફટકારવાનો છે. બટલર હવે ધોનીથી બે છગ્ગા આગળ નિકળી ગયા છે.

ધોનીએ 2005માં શ્રીલંકા સામે બનાવ્યો હતો રેકોર્ડ

ખરેખર, બટલરે નેધરલેન્ડ સામેની ત્રણ વન-ડે શ્રેણીમાં સૌથી વધુ 248 રન બનાવ્યાં છે. આ દરમ્યાન તેણે કુલ 19 છગ્ગા ફટકાર્યા છે. જ્યારે 17 વર્ષ પહેલા એટલેકે 2005માં ધોનીએ શ્રીલંકા સામે વન-ડે શ્રેણીમાં કુલ 17 છગ્ગા ફટકાર્યા હતા. આ રીતે બટલરે  વિકેટકીપર તરીકે ધોનીનો રેકોર્ડ તોડ્યો છે.

ડીવિલિયર્સ પણ નહોતા તોડી શક્યા ધોનીનો રેકોર્ડ

હવે જોસ બટલર વિકેટકીપર તરીકે કોઈ એક વન-ડે શ્રેણીમાં સૌથી વધુ છગ્ગા ફટકારનારા ખેલાડી બની ગયા છે. આ મામલે ધોનીની 17 વર્ષ સુધીની બાદશાહત રહી છે. આ બંને બાદ આ મામલે ત્રીજા નંબરે સાઉથ આફ્રિકાના પૂર્વ વિકેટકીપર એબી ડિવિલિયર્સ અને ચોથા નંબરે જોસ બટલર છે.