ભારતીય ખાન-પાનમાં જ ફ્ક્ત હળદરનો ઉપયોગ થાય છે તેવું નથી,પરંતુ એક ઔષધીના રુપે ઠંડીમાં તેનો વર્ષોથી ઉપયોગ થતો આવ્યો છે. હળદર આપણા શરીરની રોગપ્રતિકારક શક્તિમાં વધારો કરે છે અને સાથે સાથે લોહી પણ શુધ્ધ કરે છે. હળદર આપણા શરીરમાં રહેલા ઝેરી તત્વોને પણ બહાર નીકાળવામાં મદદ કરે છે. હળદરનો આપણે ખાવામાં શાકભાજીઓ દ્વારા ઉપયોગ કરીએ છીએ પરંતુ તેને દૂધની જોડે ભેળવીને પીવાથી પણ શરીરને ખૂબ લાભ થતા હોય છે. શું તમને ખબર છે હળદરનો જ્યુસ પીવાથી પણ ખૂબ લાભ થાય છે? અમે તમને ફ્ક્ત તેના લાભો નહીં પરંતુ હળદરના જ્યુસને ઘરે બનાવવાની રીત પણ બતાવીએ છીએ.
જાણો આ જ્યુસના ફાયદા
તંદુરસ્ત રહેવા માટે કરો આ જ્યુસનો ઉપયોગ
ઔષધી તરીકે ઉપયોગ થાય છે આ વસ્તુ
હળદરનો જ્યુસ બનાવવાની રીત :-
સામગ્રી :- કાચી હળદરનો ટુક્ડો અથવા હળદરનો પાઉડર, લીંબુ અને મીઠું
એક ગ્લાસમાં અડધુ લીંબુ નીચોવવું.
હવે તેમાં હળદર અને મીઠું ભેળવી દો.
પછી તેને મિક્સર અથવા બ્લેન્ડરમાં બ્લેન્ડ કરી લો.
આ મિશ્રણમાં જરુર લાગે તેટલુ પાણી ઉમેરો.
તમારો હળદરનો જ્યુસ બનીને તૈયાર છે. ચાલો હવે જાણીએ તેના ફાયદાઓ વિશે.
કાચી હળદરમાં રહેલા ગુણ કેન્સરની સામે લડી શકે છે. ખાસ કરીને પુરુષોમાં થતા પ્રોસ્ટેટ કેન્સરના સેલ્સમાં થતો વધારો અટકાવવામાં પણ મદદ કરે છે.
હાનિકારક રેડિએશનના સંપર્કમાં આવતા તેનાથી થતાં ટ્યૂમરને અટકાવવામાં પણ હળદર મદદરુપ થાય છે.
હળદરના આ જ્યુસનો ઉપયોગ સોજો,ગાંઠ અને સાંધાના દુખાવામાં રાહત પહોંચાડવામાં થાય છે.
હળદરમાં એન્ટીબેક્ટેરિયલ અને એન્ટીસેપ્ટીક ગુણ હોય છે. આ ડાયાબિટીસના સુગરને કાબૂમાં રાખવામાં પણ મદદ કરે છે.
હળદરનો જ્યુસ પાચનતંત્રની સિસ્ટમને મજબૂત બનાવે છે અને સાથે સાથે મોટાપણું ઓછું કરવામાં પણ મદદરુપ છે.
ઘણા સંશોધન અને અભ્યાસથી સાબિત થયું છે કે હળદર લિવરને પણ સ્વસ્થ રાખે છે અને સોરિયાસીસ જેવા ત્વચા સંબંધિત રોગોથી પણ બચાવે છે.
એટલે આનો જ્યુસ શરીર માટે ઘણો ફાયદાકારક છે.
વિશેષજ્ઞોના કહેવા અનુસાર ઠંડી તાસીરના લોકો માટે હળદર ઘણી ફાયદાકારક છે, પણ ગરમ તાસીરના લોકો તેનો ઉપયોગ કરતાં પહેલા ડોક્ટરની સલાહ અચૂક લઇ લેવી.