બાળકો માટે સાબુ, શેમ્પુ તથા પાઉડર બનાવનારી જોન્સન એન્ડ જોન્સન કંપનીના બેબી પાઉડરમાં કેન્સર કારક તત્વ એસ્બેસ્ટસ મળી આવ્યા છે. ત્યારબાદ કંપનીએ અમેરિકામાં 33 હજાર ડબ્બા પરત મંગાવી લીધા છે.
જોન્સન એન્ડ જોન્સન કંપની ફરી વિવાદમાં
30 હજાર પાઉડરના ડબ્બામાંથી મળી આવ્યા કેન્સરકારક તત્વ
એસ્બેસ્ટસ એક ઘાતક કાર્સિનોઝેન છે જેમાથી માણસોમાં કેન્સર વધવાનું જોખમ રહે છે. આવું પહેલી વખત થયું છે જ્યારે અમેરિકાની સ્વાસ્થય પ્રોડક્ટમાં એસ્બેસ્ટસની માત્રા મળી આવી છે.
યુએસ FDA એ હાથ ધરી તપાસ
અમેરિકન સ્વાસ્થ્ય નિયામક ફૂડ એન્ડ ડ્રગ્સ એડમિનિસ્ટ્રેશન(US, FDA)એ તપાસ માટે કેટલાક નમુના લીધા છે. આ નમુનામાં કેન્સર કારક તત્વ મળ્યા છે. ત્યારબાદ કંપનીએ પોતાના ઉત્પાદનને બજારમાંથી પરત મંગાવી લીધા હતું.
કંપનીનો શેર 6 ટકા નબળો પડ્યો
અમેરિકન શેર બજારમાં શુક્રવારના રોજ આ સમાચાર બાદ કંપનીના શેરમાં 6 ટકા નબળો પડ્યો હતો અને તે 127.70 ડોલરના ભાવ પર બંધ પડ્યો હતો. રોયટર્સના જણાવ્યા અનુસાર, એક ઓનલાઇન રિટેલરે સિંગલ બોટલની ખરીદી કરી હતી. ત્યારબાદ પરીક્ષણ માટે સ્વેચ્છાએ #22318RB ના જથ્થાને પરત મંગાવી લીધો હતો. જેમાં 33 હજાર બોટલ છે કંપનીએ જણાવ્યું હતું કે, તેના પાઉડરમાં હવે એસ્બેસ્ટસ મળી આવ્યા નથી.
વિશ્વભરમાં વેચાણ થાય છે કંપનીનું ઉત્પાદન
જોન્સન એન્ડ જોન્સન કંપનીના ઉત્પાદનનું ભારત સિવાય કેટલાય દેશમાં વેચાણ થાય છે. કંપનીને પોતાની કેટલીય પ્રોડક્ટના કારણે કેસ અને દંડનો સામનો કરવો પડ્યો છે. તાજેતરમાં જ એક વ્યક્તિએ પ્રોડક્ટ સામે સવાલ ઉભા કરીને કોર્ટમાં કેસ કર્યો હતો. આ કેસની સુનાવણી દરમિયાન જોનસન એન્ડ જોનસનને દોષિત જાહેર કરીને 8 બિલિયન ડોલરનો દંડ લગાવવામાં આવ્યો છે.