વેક્સિન / ભારતમાં વધુ એક વેક્સિનને મળી પરવાનગી, માત્ર એક જ ડોઝમાં કરશે કમાલ

ભારતે વધુ એક આંતરરાષ્ટ્રીય વેક્સિનને મંજૂરી આપી દીધી છે. આ એક સિંગલ ડોઝ વેક્સિન હોવાથી કોરોના સામેની લડાઈમાં મોટો ભાગ ભજવશે. 

જ્હોન્સન એન્ડ જ્હોન્સનની વેક્સિનને મળી મંજૂરી 
કોરોનાની સિંગલ ડોઝ વેક્સિન જ્હોન્સન એન્ડ જ્હોન્સન દ્વારા બનાવવામાં આવી છે અને આ વેક્સિન હવે ભારતમાં ઉપલબ્ધ થવા જઈ રહી છે. આ સાથે હવે ભારત પાસે 5 EUA વેક્સિન ઉપલબ્ધ છે. જએના કારણે ભારતની કોરોના સામેની લડાઈ વધરે મજબૂત થશે. 

આ માહિતી કેન્દ્રીય સ્વાસ્થ્ય મંત્રી મનસુખ માંડવીયા દ્વારા ટ્વિટરનાં માધ્યમથી આપવામાં આવી હતી. તેમણે ટ્વિટમાં લખ્યું હતું કે ભારતની ઝૉળીમાં વધુ એક વેક્સિન ઉમેરાઈ છે. ભારત પાસે હવે 5 EUA વેક્સિન છે જે ભારતની કોરોના સામેની લડાઈને આગળ લઈ જશે.  

India expands its vaccine basket!

Johnson and Johnson’s single-dose COVID-19 vaccine is given approval for Emergency Use in India.

Now India has 5 EUA vaccines.

This will further boost our nation's collective fight against #COVID19

— Mansukh Mandaviya (@mansukhmandviya) August 7, 2021

જ્હોન્સન એન્ડ જ્હોન્સન વેક્સિન વિશે જાણો

SARS-CoV-2 વાયરસના જીનેટિક મટીરિયલથી વેક્સિન બનાવાઇ છે
વાયરસના જીનેટિક કોડનો પ્રયોગ સ્પાઇક પ્રોટીન બનાવા માટે કરે છે
વેક્સિન લીધા બાદ શરીરમાં એન્ટીબોડી બનવા લાગે છે
વેક્સિનમાં વાયરસનું પૂર્ણ જીનેટીક મટીરીયલ નથી હોતું
પૂર્ણ જીનેટિક મટીરિયલ ન હોવાથી લોકો બીમાર નથી પડતા
ઇમ્યૂન સિસ્ટમ એન્ટીબોડી બનાવે છે ત્યારે તે વાયરસને ઓળખી અને તેની સામે રક્ષણ આપે છે
જ્હોન્સન એન્ડ જ્હોન્સન વેક્સિન નોન-રેપ્લિકેટિંગ વાયરલ વેક્ટર વેક્સિન છે
વેક્સિનના અંદરનું જીનેટિક મટીરિયલ શરીરની અંદર ડુપ્લિકેશન નથી કરતું
વેક્સિનને 2થી 8 ડિગ્રી તાપમાન વચ્ચે સ્ટોર કરી શકાય છે
ખોલી દેવાયેલા વાયલ્સ 9 ડિગ્રીથી 25 ડિગ્રી તાપમાન વચ્ચે 12 કલાક સુધી સ્ટોર કરી શકાય છે

કેટલી અસરદાર છે વેક્સિન?
જ્હોન્સન એન્ડ જ્હોન્સને 3 ક્લિનિકલ ટ્રાયલના ડેટા રજૂ કર્યા છે
જ્હોન્સન એન્ડ જ્હોન્સન વેક્સિન સિંગલ ડોઝની તમામ સ્ટડીમાં કારગર સાબિત થઇ છે
વેક્સિન સિંગલ ડોઝમાં 85 ટકા ગંભીર બીમારીને રોકવામાં સક્ષમ છે
વેક્સિનની અસર 28 દિવસ બાદ શરૂ થાય છે
ડોઝના 28 દિવસ બાદ વેક્સિન હોસ્પિટલાઇઝેશન અને મૃત્યુથી બચાવે છે