FDAના આધારે Guillain–Barré syndrome ત્યારે થાયછે જ્યારે ઈમ્યૂન સિસ્ટમ નર્વ સેલ્સને નુકસાન કરે છે. તેનાથી માંસપેશીમાં નબળાઈ આવે છે અને ક્યારેક લકવો પણ થાય છે.
જૉનસન એન્ડ જૉનસનની કોરોના વેક્સિનને આવ્યું એલર્ટ
FDAએ જાહેર કરી ખાસ ચેતવણી
થઈ શકે છે લકવાની ગંભીર બીમારી
અમેરિકામાં જૉનસન એન્ડ જૉનસનની વેક્સિનને લઈને ફૂડ એન્ડ ડ્રગ એડમિનિસ્ટ્રેશને (FDA) ચેતવણી જાહેર કરી છે, સંસ્થાએ કહ્યું છે કે આ વેક્સિનથી દુર્લભ ન્યૂરોલોજીકલ સ્થિતિ ગુલિયન બેરી સિન્ડ્રોમ (Guillain–Barré syndrome)નો ખતરો ઘણે અંશે વધી શકે છે. FDAની ચેતવણી બાદ વેક્સિનને મોટો ઝટકો લાગ્યો છે. આ પહેલી વાર નથી કે જૉનસનની વેક્સિન પર સવાલ થઈ રહ્યા છે. આ પહેલા પણ લોહીના ગટ્ઠા જામવાની ફરિયાદ સામે આવી ચૂકી છે.
અત્યાર સુધીમાં બીમારીના 100 શંકાસ્પદ કેસ આવ્યા
એક રિપોર્ટમાં જાણકારોનું કહેવું છે કે આ પ્રકારની સ્થિતિ વિકસિત થવાની શક્યતા ઓછી છે અમેરિકાની સામાન્ય લોકોની તુલનામાં જૉનસન એન્ડ જૉનસનની વેક્સિન લેનારા લોકોમાં આ સંભાવના 3-5 ગણી વધારે જોવા મળે છે. અધિકારીઓએ કંપનીના વેક્સિન લેનારા લોકોમાં ગુલિયન બેરી સિન્ડ્રોમના 100 કેસ મળ્યા હોવાનું જણાવ્યું છે.
FDAએ આપી છે ખાસ જાણકારી
તેનું કહેવું છે કે તેમાંથી 95 ટકા કેસને ગંભીર માનવામાં આવી રહ્યા છે. તેમને એડમિટ થવાની જરૂર રહે છે. અમેરિકામાં વેક્સિન મેળવી ચૂકેલા લોકો લગભગ 1.28 કરોડ એટલે કે 8 ટકા આબાદીને જૉનસન એન્ડ જૉનસનની વેક્સિન આપવામાં આવી છે. આ સિવાય 14.6 કરોડ લોકોનું વેક્સિનેશન ફાઈઝર અને મોર્ડનાની વેક્સિનથી થયું છે.
જાણો શું છે Guillain–Barré syndrome
FDA ના આધારે Guillain–Barré syndrome ત્યારે થાય છે જ્યારે ઈમ્યુન સિસ્ટમ નર્વ સેલ્સને નુકસાન કરે છે. તેનાથી માંસપેશીમાં નબળાઈ આવે છે અને સાથે ક્યારેક લકવાની સ્થિતિ પણ બની જાય છે. અમેરિકામાં 10 લાખમાંથી 10 લોકોમાં આ સમસ્યા જોવા મળી રહી છે. આ લોકો ગંભીર લક્ષણોનો સામનો કરી રહ્યા છે અને સાથે આ મુશ્કેલીથી બહાર આવી રહ્યા છે. આ પહેલા એપ્રિલમાં પ્લેટલેટ્સની સાથે લોહીના ગટ્ઠા જામવાની સમસ્યા સામે આવી હતી અને તેને લઈને પણ ચેતવણી આપવામાં આવી હતી.