ગંભીર આરોપ / મને બંધક બનાવીને મારા શરીરમાં બોટલ ઘૂસાડી, હોલિવૂડના ખ્યાતનામ અભિનેતા વિરુદ્ધ પૂર્વ પત્નીના ગંભીર આરોપ

• પાઇરેટ્સ ઓફ ધ કેરેબિયનનાં અભિનેતા પર લાગ્યા ગંભીર આક્ષેપ 
• પૂર્વ પત્ની દ્વારા ઘરેલુ હિંસા અને જાતીય સતામણીનો આરોપ 
• દારૂની બોટલ જાતીય સતામણીનો આરોપ 

હોલિવૂડના ખ્યાતનામ અભિનેતા જોની ડેપ પર એમ્બર હર્ડ દ્વારા જાતીય હુમલાના નવા દાવાઓ સાથે આરોપ મૂકવામાં આવ્યો છે. 50 મિલિયન ડોલર્સનો આ બદનક્ષીનો જે કેસ શરૂ થયો છે જેમાં ઘણી વિગતોનો ભેદ ઉકેલાયો છે. 

ફેન્ટાસ્ટિક બીસ્ટ્સનાં  અભિનેતાએ એક્વામેન અભિનેત્રી પર 2018 માં તેણીએ લખેલા એક લેખને કારણે કેસ કર્યો છે, જેમાં તેણે દાવો કર્યો હતો કે તેણી ડોમેસ્ટિક વાયોલન્સ એટલે કે ઘરેલુ હિંસાનો શિકાર બની છે.

ડેપ અને હર્ડના લગ્ન માત્ર 13 મહિના જ ચાલ્યા  હતા ત્યાર બાદ અભિનેત્રીએ છૂટાછેડા માટે અરજી કરી હતી અને ડેપ સામે કામચલાઉ રિસ્ટ્રેઇનિંગ ઓર્ડર્સ મેળવ્યા હતા. તેણીએ તેઓના  પર લગ્ન દરમિયાન દુર્વ્યવહાર કરવાનો આરોપ પણ લગાવ્યો છે. જોકે, અભિનેતાએ દાવો કર્યો હતો કે આ આરોપો ખોટા છે.

હવે એક રિપોર્ટ અનુસાર અગાઉ કેટલાક આરોપો નહોતા લગાવવામાં આવ્યા જે હવે જ્હોની ડેપની સામે લગાવવામાં આવી રહ્યા છે. અને તેની વિરુદ્ધ ટ્રાયલ્સ શરૂ કરવાંઆ આવી છે. નવા આરોપો અનુસાર કેટલાક્ ચોંકાવનારા ખુલાસા કરવામાં આવી રહ્યા છે. આ જાતીય આરોપોના કારણે જ્હોની ડેપ મુશ્કેલીમાં મુકાઇ શકે છે. 

અભિનેતા સામે જાતિય સતામણીના આક્ષેપો ગંભીર છે. એમ્બર હર્ડના વકીલે આ ઘટનાને "ત્રણ-દિવસનાં અંધારપટ તરીકે ઓળખાવ્યું જેમાં [ડેપ] એ દારૂની બોટલ વડે તેની સાથે જાતીય હુમલો કર્યો હતો." આના જવાબમાં, જોની ડેપની ટીમે જણાવ્યું હતું કે અભિનેત્રીએ આ પહેલાં ક્યારેય આ આરોપો લગાવ્યા નથી અને જ્યારે તેણીને સમજાયું કે તેણે જે આરોપ લગાવ્યા છે તે કેટલા ગંભીર છે, એ પછીથી તે ગભરાઈ ગઈ હતી. 

ડેપના વકીલોએ તેમના નિવેદનને એમ કહીને પૂરું કર્યું હતું કે, "ડેપના અઠ્ઠાવન વર્ષમાં જીવનમાં, એક પણ મહિલાએ ક્યારેય તેમના પર હિંસાનો આરોપ લગાવ્યો નથી." અભિનેતાએ સાબિત કરવું પડશે કે અંબર દ્વારા ઘરેલુ શોષણ અંગેના આરોપો ખોટા છે.

અગાઉ, એવું નોંધવામાં આવ્યું હતું કે જોની ડેપને એમ્બર હર્ડના ફોન રેકોર્ડ્સ ચેક કરવાની પરમીશન આપવામાં આવી હતી.  એ પાછળ એવી આશા હતી કે તે સાબિત કરશે કે ડેપ દ્વારા અંબરને ઇજાગ્રસ્ત કરવાના આરોપો તે ખોટા સાબિત કરી બતાવશે.  ડેપે આરોપ મૂક્યો હતો કે હર્ડે તેના પર હુમલો કરાયો હોવાનું દેખાડવા માટે ફોટામાં છેડછાડો કરવામાં આવી છે અને તે ખોટા છે.