અમેરિકામાં ચૂંટણી માથે છે ત્યારે ટ્રમ્પ માટે ખરાબ સમાચાર આવી રહ્યા છે. એક તરફ કોરોના સંકટ અને અશ્વેતની મોત બાદ દેશભરમાં રમખાણોના કારણે તાજા પોલમાં ટ્રમ્પના વિરોધી જૅા બિડેનને વધુ પોઈન્ટ મળી રહ્યા છે.
ખાનગી એજન્સીઓ અનુસાર 52 ટકા જનતા બિડેનના સમર્થનનમાં
વિવિધ એજન્સીઓની રેટિંગમાં ટ્રમ્પ જૅા બિડેનથી પાછળ
કોરોના અને રમખાણોથી ટ્રમ્પ વિરુદ્ધ ગુસ્સો
અમેરિકામાં રાષ્ટ્રપતિ ચૂંટણીને હજુ પાંચ મહિના છે ત્યાં ચૂંટણીના પોલ અનુસાર પૂર્વ ઉપરાષ્ટ્રપતિ જૅા બિડેનના જીતવાના અણસાર દેખાઈ રહ્યા છે જોકે બિડેન અત્યારે કોઈ પણ ચૂંટણી પ્રચાર પણ નથી કરી રહ્યા.
52 ટકા જનતા બિડેનના સમર્થનનમાં
રિયલ ક્લિયર પોલીટીક્સ અનુસાર ગયા મહીનાંથી બિડેનનું નેતૃત્વ મહત્વપૂર્ણ ભૂમિકા નિભાવી રહ્યું છે. માર્ચ મહિનાની શરૂઆતમાં જ્યાં બિડેનને 5.3 પોઈન્ટ જ આપવામાં આવ્યા હતા ત્યારે હાલમાં રિયલ પોલીટીક્સ દ્વારા બિડેનને 7.8 પોઈન્ટ આપવામાં આવ્યા છે. પ્રાઈવેટ એજન્સીઓના આંકડાઓ જોઈએ તો તેમાં પણ જૅા બિડેન ટ્રમ્પથી આગળ નીકળી રહ્યા છે. મેનમાઉથ યુનિવર્સીટી અનુસાર અમેરિકામાં 52 ટકા જનતા બિડેનના સમર્થનનમાં છે અને 41 ટકા ડોનાલ્ડ ટ્રમ્પને હટાવવા માંગે છે.
એબીસી ન્યૂઝ અને વોશિંગ્ટન પોસ્ટમાં પણ બિડેન ટ્રમ્પથી 10 પોઈન્ટ આગળ ચાલી રહ્યા છે. જોકે આ બધા પોલને ટ્રમ્પે નકારી દીધા છે. ડોનાલ્ડ ટ્રમ્પના કેમ્પેનના કૉમ્યુનીકેશન ડાયરેક્ટર ટિમ મુતાર્ઘે કહ્યું કે બધાને ખબર છે કે ટ્રમ્પ પર કરવામાં આવતા સાર્વજનિક પોલની માહિતીઓ ખોટી જ નીકળે છે.
બિડેન માર્ચ મહિનાથી જ ઓનલાઈન કેમ્પેન કર્યું
મેનમાઉથ યુનિવર્સીટીના પેટ્રિક મુર્રે કહ્યું કે જ્યોર્જ ફ્લોઈડની મોત બાદ ડોનાલ્ડ ટ્રમ્પનાં હારની સંભાવનાઓ વધી ગઈ છે. મુર્રેએ કહ્યું કે અમેરિકામાં લોકો માની રહ્યા છે કે જ્યોર્જના મોત બાદ ટ્રમ્પના નેતૃત્વમાં ઘણી બધી ખામીઓ રહી હતી. બીજી તરફ બિડેન માર્ચ મહિનાથી જ ઓનલાઈન કેમ્પેન કરી રહ્યા છે.
કોરોના અને રમખાણો ટ્રમ્પને ભારે પડ્યા
અમેરિકામાં ચૂંટણી માથે છે ત્યારે પોલમાં સામે આવી રહેલા પરિણામો પાછળ ઘણા બધા કારણો છે. અમેરિકામાં કોરોના વાયરસનાં કારણે લાખો લોકો સંક્રમિત થયા અને એક લાખથી વધુ લોકોએ પોતાના જીવ ગુમાવ્યા જેના પર ટ્રમ્પ વિરુદ્ધ લોકોમાં ભારે રોષ છે. કોરોના સંકટ વચ્ચે જ્યોર્જ ફ્લોઈડના મોત બાદ દેશભરમાં રમખાણો પણ ટ્રમ્પની વિરુદ્ધ લોકોમાં ગુસ્સો વધારી રહ્યો છે ત્યારે ખાનગી એજન્સીઓમાં બિડેનની જીત બતાવવામાં આવી રહી છે.