યુએસ ચૂંટણી / કમલા હેરિસ માટે અમેરિકાના રાષ્ટ્રપતિ પદનો માર્ગ કંઇ સહેલો નથી, કર્યો સમર્થનનો ઇનકાર, તો હવે?

અમેરિકાના રાષ્ટ્રપતિ જો બાયડને રાષ્ટ્રપતિની ચૂંટણી લડવાનો ઈન્કાર કરી દીધો છે. તેમણે રવિવારે એક નિવેદન જારી કરીને પોતાને રાષ્ટ્રપતિ પદની રેસમાંથી બહાર કરી દીધા હતા. 81 વર્ષીય રાષ્ટ્રપતિનો આ નિર્ણય અમેરિકનો 5 નવેમ્બરે મતદાન કરવાના ચાર મહિના પહેલા આવ્યો છે.

અમેરિકી રાષ્ટ્રપતિ જો બાયડને પત્રમાં કહ્યું, 'તેઓ આગામી રાષ્ટ્રપતિની ચૂંટણી નહીં લડે. રાષ્ટ્રપતિ તરીકે સેવા આપવી એ તેમના જીવનનું સૌથી મોટું સન્માન હતું.' આ સાથે તેમણે રાષ્ટ્રપતિ પદના નવા ઉમેદવાર તરીકે તેમના સહયોગી અને ઉપરાષ્ટ્રપતિ કમલા હેરિસને સમર્થન આપ્યું છે.

રિપબ્લિકન ઉમેદવાર ડોનાલ્ડ ટ્રમ્પ સામે ગયા મહિને થયેલી ચર્ચામાં ખરાબ પ્રદર્શન અને ડેમોક્રેટ્સના વધતા દબાણને પગલે 81 વર્ષીય જો બાયડને રવિવારે જાહેરાત કરી હતી કે તેઓ આગામી પ્રમુખપદની ચૂંટણીમાંથી ખસી રહ્યા છે. જો કે, તેમણે 59 વર્ષીય ઉપરાષ્ટ્રપતિ કમલા હેરિસને નવા ડેમોક્રેટિક નોમિની બનવા માટે ટેકો આપ્યો હતો.

બીજી તરફ અમેરિકાના ભૂતપૂર્વ રાષ્ટ્રપતિ બરાક ઓબામા અને ભૂતપૂર્વ હાઉસ સ્પીકર નેન્સી પેલોસીએ રવિવારે રાષ્ટ્રપતિ જો બાયડનના રાષ્ટ્રપતિ પદની રેસમાંથી ખસી જવાના નિર્ણયની પ્રશંસા કરી હતી, પરંતુ ઉપરાષ્ટ્રપતિ કમલા હેરિસને સમર્થન આપવાની મનાઈ કરી હતી.

વધુ વાંચો: જો બાયડન નહીં લડે અમેરિકન રાષ્ટ્રપતિ પદની ચૂંટણી, તો હવે કોણ હશે રેસમાં

જ્યારે ઓબામાને કમલા હેરિસના રાજકીય ગુરુ માનવામાં આવે છે. આ હોવા છતાં, તેણે તરત જ હેરિસને સમર્થન આપવાનો ઇનકાર કર્યો છે. એવું માનવામાં આવે છે કે જો બાયડનના સમર્થનને કારણે કમલા હેરિસ પાર્ટીના સત્તાવાર રાષ્ટ્રપતિ પદના ઉમેદવાર બનશે તે લગભગ નિશ્ચિત છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ